നേപ്പാള് മിന്നല് പ്രളയം: മലയാളി സംഘത്തിന്റെ സുരക്ഷ ഉറപ്പാക്കാന് ഇടപെട്ട് മുഖ്യമന്ത്രി
തിരുവനന്തപുരം: നേപ്പാളിലെ മിന്നല് പ്രളയത്തില് മലയാളി സംഘവും കുടുങ്ങിയെന്ന വാര്ത്തകളുടെ അടിസ്ഥാനത്തില് അടിയന്തര ഇടപെടലുമായി സംസ്ഥാന സര്ക്കാര്. പ്രളയത്തില് കുടുങ്ങിയ മലയാളികളുടെ സുരക്ഷയും വിവരങ്ങളും ഔദ്യോഗികമായി അന്വേഷിക്കുന്നതിനായി ചീഫ് സെക്രട്ടറിയെ മുഖ്യമന്ത്രി വി ഡി സതീശന് ചുമതലപ്പെടുത്തി. ഇവരുടെ സുരക്ഷ ഉറപ്പാക്കാന് വിദേശകാര്യ മന്ത്രാലയവുമായി നേരിട്ട് ഇടപെടല് നടത്തുമെന്നും മുഖ്യമന്ത്രി അറിയിച്ചു.
സാഹചര്യങ്ങൾ സർക്കാർ നിരീക്ഷിക്കുകയാണെന്ന് മുഖ്യമന്ത്രിയുടെ ഓഫീസ് അറിയിച്ചു. മുഖ്യമന്ത്രിയുടെ നിർദ്ദേശപ്രകാരം ചീഫ് സെക്രട്ടറി വിദേശകാര്യ മന്ത്രാലയവുമായി ആശയ വിനിമയം നടത്തുന്നുണ്ട്. വിനോദ സഞ്ചാരത്തിനായി നേപ്പാളിലുള്ള മലയാളികളെ ബന്ധപ്പെടാൻ കുടുംബാംഗങ്ങൾക്ക് സാധിക്കുന്നില്ലെങ്കിൽ അക്കാര്യം മുഖ്യമന്ത്രിയുടെ ഓഫീസിനെ അറിയിക്കണം.
ബന്ധപ്പെടേണ്ട നമ്പർ
944 7111844, 9747132147
