100 കോടി ക്ലബ്ബിൽ അതിവേഗം ഇടംപിടിച്ച് ആടുജീവിതം; റിലീസ് ചെയ്തു 9 ദിവസത്തിനുള്ളിൽ 100 കോടി
ആഗോള തലത്തില്‍ മലയാള സിനിമയുടെ മാറ്റു കൂട്ടി 100 കോടി കളക്ഷന്‍ സ്വന്തമാക്കി ആടുജീവിതം. മലയാളത്തില്‍ അതിവേഗത്തില്‍ 100 കോടി കളക്ഷന്‍ നേടുന്ന സിനിമകളിൽ മുൻപിലെത്തി പ്രിത്വിരാജിന്റെ ആടുജീവിതം. പൃഥ്വിരാജ് തന്നെയാണ് സമൂഹമാധ്യമങ്ങളിലൂടെ ആടുജീവിതം നൂറ് കോടി സ്വന്തമാക്കിയ വിവരം ആദ്യം സ്ഥിരീകരിച്ചത്. തന്റെ ഫേസ്ബുക്കിലൂടെയാണ് പൃഥ്വിരാജ് സന്തോഷം പങ്കുവെക്കുകയായിരുന്നു.
കഴിഞ്ഞ ദിവസം ഫിലിം ട്രാക്കര്‍മാര്‍ ആടുജീവിതം നൂറ് കോടി തൊട്ടതായ വിവരം പങ്കുവെച്ചിരുന്നു.വേഗത്തില്‍ 50 കോടി കളക്ഷന്‍ തൊട്ട മലയാള സിനിമ എന്ന നേട്ടവും ആടുജീവിതത്തിന് തന്നെ. പൃഥ്വിരാജിന്റെ കരിയറിലെ നൂറ് കോടി ക്ലബിലെത്തുന്ന ആദ്യ ചിത്രം കൂടിയാണ് ഇത്. റിലീസ് ചെയ്ത് 9 ദിവസം കൊണ്ടാണ് ആടുജീവിതം 100 കോടി ക്ലബിലെത്തിയത്.
ഈ വര്‍ഷം നൂറ് കോടി ക്ലബിലെത്തുന്ന മൂന്നാമത്തെ മലയാള സിനിമയാണ് ആടുജീവിതം. 2024ല്‍ പ്രേമലുവും, മഞ്ഞുമ്മല്‍ ബോയ്സും നൂറ് കോടി കളക്ഷന്‍ നേടിയിരുന്നു. പന്ത്രണ്ട് ദിവസം കൊണ്ടാണ് മഞ്ഞുമ്മല്‍ ബോയ്സ് നൂറ് കോടി ക്ലബിലെത്തിയ മഞ്ഞുമ്മൽ ബോയ്സ് 200 കൂടിയും പിന്നിട്ടതായാണ് കണക്ക്.
