അമ്പലപ്പുഴയിൽ ഗൃഹനാഥനെ ആക്രമിച്ച പ്രതികൾ പിടിയിൽ
ആലപ്പുഴ : അമ്പലപ്പുഴ വടക്ക് P/W-3 ൽ വെളിയത്തേഴം വീട്ടിൽ അഭിജിത്ത്, പുന്നപ്ര തെക്ക് പഞ്ചായത്ത് വാർഡ് 4 ൽ വാണിയം പറമ്പിൽ അരുൺ എന്നിവരാണ് ഗൃഹനാഥനെ ആക്രമിച്ച കേസിൽ പിടിയിൽ ആയത്. പുന്നപ്ര തെക്ക് ഗ്രാമപഞ്ചായത്ത് 5-ാം വാർഡിൽ ചാത്തന്റെ തറ വീട്ടിൽ ഉണ്ണിയും അമ്പലപ്പുഴ വടക്ക് P/W-3 ൽ വെളിയത്തേഴം വീട്ടിൽ അഭിജിത്ത് (28) തമ്മിൽ കഴിഞ്ഞ ഓണസമയത്തുണ്ടായ വാക്കുതർക്കത്തെ തുടർന്ന് 12.10.2025 തീയതി രാത്രി 09.30 മണിക്ക് പ്രതികൾ അരുണിന്റ സ്കൂട്ടറിൽ ഉണ്ണിയുടെ കുടുംബവീടായ ചാത്തന്റെ തറ വീട്ടിൽ വന്നു പരതിക്കാരനെ വീട്ടിൽ നിന്നും വിളിച്ച് ഇറക്കി മുഖത്തേക്ക് പെപ്പർ സ്പ്രേ അടിക്കുകയും കൈയിൽ കരുതിയിരുന്ന ഇരുമ്പ് പൈപ്പ് കൊണ്ട് തലക്ക് പുറികിൽ അടിച്ചു മുറിവ് ഉണ്ടാക്കി . തുടർന്ന് ഇടതു കൈ മസിൽ ഭാഗത്ത് അടിച്ചു മുറിവ് സംഭവിപ്പിക്കുകയും അടികൊണ്ട് താഴെ വീണ ഉണ്ണിയുടെ ഇടതുകാലിൽ ഇരുമ്പ് പൈപ്പ് കൊണ്ട് അടിച്ച് അസ്ഥിക്ക് പൊട്ടൽ വരുത്തുകയും ചെയ്തു.
ഇത് കണ്ട് പിടിച്ചുമാറ്റുവാൻ വന്ന ഉണ്ണിയുടെ ബന്ധുക്കളെ അഭിജിത്ത് ഇരുമ്പ് പൈപ്പ് കാണിച്ചു ഭീഷണിപെടുത്തിയശേഷം അരുണിന്റ സ്കൂട്ടറിൽ കയറി രക്ഷപ്പെട്ടു. ഈ സംഭവത്തിന് ശേഷം പ്രതികൾ ഒരുമാസക്കാലം മൂന്നാർ, ചെന്നൈ എന്നിവിടങ്ങളിൽ ഒളവിൽ കഴിഞ്ഞ ശേഷം പ്രതികൾ എറണാകുളം ഭാഗത്ത് വന്ന് ഒളിച്ച് താമസിക്കുന്നതായി ലഭിച്ച രഹസ്യ വിവരത്തിന്റെ അടിസ്ഥാനത്തിൽ പുന്നപ്ര പോലീസ് സ്റ്റേഷൻ ഇൻസ്പെക്ടർ മഞജുദാസിന്റെ നേതൃത്വത്തിൽ പോലീസ് സബ്ബ് ഇൻസ്പെക്ടർ ബോബൻ, സീനിയർ സിവിൽ പോലീസ് ഓഫീസർമാരായ രതീഷ്, മാഹീൻ, അബൂബക്കർ സിദ്ദീഖ് എന്നിവർ ചേർന്ന് 26.11.2025 തീയതി പ്രതികളെ കണ്ടെത്തി അറസ്റ്റ് ചെയ്തിട്ടുള്ളതും തുടർന്ന് പ്രതികളെ അമ്പലപ്പുഴ കോടതിയിൽ ഹാജരാക്കി പ്രതികളെ റിമാന്റ് ചെയ്തിട്ടുള്ളതുമാണ്.
