65 നാൾ‌ നീളുന്ന സംഗീതാർച്ചനയിലേക്ക് മള്ളിയൂർ ഗണേശ സംഗീതോത്സവം 17 മുതൽ

0
MALLIYOOR

കോട്ടയം : 65 ദിവസം നീളുന്ന മള്ളിയൂർ ഗണേശ സംഗീതോത്സവത്തിന് മള്ളിയൂർ ഒരുങ്ങുന്നു. വൃശ്ചികം ഒന്ന്, നവംബർ 17 മുതൽ 2026 ജനുവരി 20 വരെയാണ് രാജ്യത്തെ പ്രമുഖ സംഗീതജ്ഞരും വാദ്യ കലാകാരന്മാരും അണിനിരക്കുന്ന സംഗീത മഹോത്സവം. മള്ളിയൂർ മഹാഗണപതി ക്ഷേത്രം ട്രസ്റ്റ് സംഘടിപ്പിക്കുന്ന വാർഷിക സംഗീതോത്സവത്തിൽ സംഗീത കുലപതികൾ പങ്കെടുക്കുന്ന പഞ്ചരത്നകീർത്തനാലാപനം ഇക്കൊല്ലത്തെ ഗണേശ സംഗീതോത്സവത്തിന്റെ പ്രത്യേകതയാണ്.പ്രമുഖ കലാകാരന്മാർ പങ്കെടുക്കുന്ന മള്ളിയൂർ സംഗീതോത്സവം രാജ്യത്തെ സംഗീതജ്ഞരുടെ സംഗമഭൂമിയായി മള്ളിയൂരിനെ മാറ്റുകയാണെന്ന് മള്ളിയൂർ പരമേശ്വരൻ നമ്പൂതിരി, ദിവാകരൻ നമ്പൂതിരി എന്നിവർ അറിയിച്ചു. ഒരു സംഗീത തീർത്ഥാടനം പോലെയാണ് സംഗീത പ്രതിഭകൾ ഈ ഉത്സവത്തെ കാണുന്നത്.

മള്ളിയൂർ ക്ഷേത്രത്തിലെ സംഗീത വേദിയിൽ തൃശ്ശൂർ ബ്രദേഴ്സ് – ശ്രീകൃഷ്ണ മോഹൻ& രാംകുമാർ മോഹൻ – ൻ്റെ
കച്ചേരിയോടെ രാഗോത്സവത്തിന് തുടക്കമാകും. പ്രശസ്ത സംഗീതജ്ഞരായ വയലിൻ വിദ്വാൻ സംഗീതകലാനിധി ആർ. കെ. ശ്രീരാംകുമാർ, ബാംഗ്ലൂർ ജി. രവികിരൺ, ടി.എൻ.എസ്‌ കൃഷ്ണ, ബൃന്ദ മാണിക്യവാസകൻ, വൈക്കം വിജയലക്ഷ്മി,‌ പുല്ലങ്കുഴൽ വിദ്വാൻ ജെ. എ. ജയന്ത്, സി.പി മാധവൻ നമ്പൂതിരി, താമരക്കാട് ഗോവിന്ദൻ നമ്പൂതിരി, ചെങ്കോട്ട ഹരിഹര സുബ്രഹ്മണ്യം, ആർ കശ്യപ് മഹേഷ് ട്രിച്ചി, മൃദംഗം വിദ്വാൻ പത്രി സതീഷ് കുമാർ, കെ. അരുൺ പ്രകാശ് തുടങ്ങിയ പ്രമുഖ കലാകാരന്മാർ സംഗീത വേദിയിലെത്തും.

Spread the love

Leave a Reply

Your email address will not be published. Required fields are marked *