ബിജെപി സമരത്തിൽ നിന്ന് വിട്ടുനിന്ന് മുൻ അധ്യക്ഷന്മാർ
തിരുവനന്തപുരം: ബിജെപിയുടെ സെക്രട്ടറിയേറ്റ് വളയല്‍ സമരത്തില്‍ നിന്ന് വിട്ടുനിന്ന് മുതിർന്ന നേതാക്കൾ. മുന്‍ സംസ്ഥാന അധ്യക്ഷന്മാര്‍. വി മുരളീധരനും ,കെ.സുരേന്ദ്രനുമാണ് ഉപരോധത്തില്‍ പങ്കെടുക്കാത്തത്. ശബരിമല സ്വര്‍ണക്കടത്തിൽ പ്രതിഷേധിച്ചാണ് സമരം നടക്കുന്നത്. കഴിഞ്ഞദിവസം ചേര്‍ന്ന സംസ്ഥാന നേതൃയോഗത്തിലും ഇരു നേതാക്കളും പങ്കെടുത്തിരുന്നില്ല.
ശബരിമലയിലെ സ്വര്‍ണ്ണക്കൊള്ളയ്ക്കെതിരെ ബിജെപിയുടെ രാപ്പകല്‍ സെക്രട്ടേറിയറ്റ് ഉപരോധം തുടരുകയാണ്. സെക്രട്ടറിയേറ്റിന്റെ മൂന്ന് ഗേറ്റുകള്‍ 100 കണക്കിന് പ്രവര്‍ത്തകരാണ് ഉപരോധികുന്നത്. വിഎന്‍ വാസവന്‍ ദേവസ്വം മന്ത്രി സ്ഥാനം രാജിവെയ്ക്കുക, ദേവസ്വം ബോര്‍ഡ് പിരിച്ചുവിടുക, ദേവസ്വം ബോര്‍ഡിലെ കഴിഞ്ഞ 30 വര്‍ഷത്തെ സാമ്പത്തിക ഇടപാടുകള്‍ കേന്ദ്ര ഏജന്‍സികള്‍ അന്വേഷിക്കുക തുടങ്ങിയ ആവശ്യങ്ങള്‍ ഉന്നയിച്ചുകൊണ്ടാണ് സമരം.
