RSS ഓണാഘോഷം, ഓഗസ്റ്റ് -17ന്
മുംബൈ: രാഷ്ട്രീയ സ്വയംസേവക സംഘം -ഭാരത് ഭാരതി മുംബൈ താനെ -നവിമുംബൈ യിലെ മലയാളി സ്വയം സേവകർക്കും കുടുംബാംഗങ്ങൾക്കുമായി ‘ഏകതാസംഗമം’ എന്ന പേരിൽ 53ാം മത് ഓണാഘോഷം സംഘടിപ്പിക്കുന്നു. സംഘത്തിൻ്റെ ശതാബ്ദി ആഘോഷങ്ങളുടെ തുടക്കമെന്ന നിലയിൽ ഒരു വർഷം നീണ്ടുനിൽക്കുന്ന വിവിധ പരിപാടികളുടെ ഉദ്ഘാടനം കൂടിയാണ് ഈ സംഗമം . ഓഗസ്റ്റ് -17 ഞായർ രാവിലെ 9-30 മുതൽ താനെ ഘോഡ്ബന്ദർ റോഡ് മാൻപാഡക്കടുത്ത ഹീരാനന്ദനി മെഡോസിലെ ഡോ: കാശിനാഥ് ഘാനേക്കർ നാട്യഗൃഹിലാണ് പരിപാടി. കേരളത്തിലെ മുൻകാല സംഘ സാരഥികളായ എസ്. സേതുമാധവൻ, എ. ഗോപാലകൃഷ്ണൻ, ഹരികൃഷ്ണകുമാർ, പി.ആർ.ശശിധരൻ എന്നിവരും മഹാരാഷ്ട്രയിൽ നിന്ന് ചന്ദ്രശേഖർ സുർവെ( സംഘചാലക് RSS താനെ വിഭാഗ്), ചിന്തൻ ഉപാദ്ധ്യായ ( RSS പശ്ചിമ ക്ഷേത്രീയ സഹ പ്രചാരക്) എന്നിവരും സംബന്ധിക്കും. ഓണ സദ്യയും , മുംബൈയിലെ ബാലഗോകുലങ്ങളുടെ വിവിധ കലാപരിപാടികളും അരങ്ങേറും. പരിപാടിയുടെ വിജയത്തിനായി വിപുലമായ ഒരുക്കങ്ങളാണ് നടന്നു വരുന്നത് എന്ന് പ്രമുഖ് എ. ആർ. ഗോകുൽദാസ് അറിയിച്ചു.
