മസ്കറ്റ് അന്താരാഷ്‌ട്ര ഫിലിം ഫെസ്റ്റിവൽ മാർച്ച് മൂന്ന് മുതൽ ഏഴുവരെ നടക്കും
ഷാരൂഖ് ഖാൻ ഉൾപ്പെടെ നിരവധി സിനിമാ താരങ്ങളെയും ചലച്ചിത്ര സംവിധായകരെയും ആദരിക്കും
മസ്കറ്റ്: മസ്കറ്റ് അന്താരാഷ്‌ട്ര ഫിലിം ഫെസ്റ്റിവൽ മാർച്ച് മൂന്ന് മുതൽ ഏഴുവരെ നടക്കും. ഡോക്യുമെൻററി ചിത്രങ്ങൾ, ഫിക്ഷൻ സിനിമകൾ,ഒമാനി ഡോക്യുമെൻററി സിനിമകൾ, ഒമാനി ഷോർട്ട് ഫിക്ഷൻ ചിത്രങ്ങൾ എന്നിവയുൾപ്പെടെ വിവിധ മേഖലകളിൽ നിന്നും നിരവധി മത്സരങ്ങളുണ്ടാകും.
മേളയിൽ ഷാരൂഖ് ഖാൻ ഉൾപ്പെടെ നിരവധി സിനിമാ താരങ്ങളെയും ചലച്ചിത്ര സംവിധായകരെയും ആദരിക്കും.ഷാരൂഖ് ഖാൻ കൂടാതെ കുവൈത്തിൽനിന്നുള്ള ഹുദ ഹുസൈൻ, ഇറാനിൽനിന്നുള്ള സംവിധായകൻ സത്താറ, ഈജിപ്റ്റിൽനിന്നുള്ള നെല്ലി കരീം, ഒമാനിൽനുള്ള മുഹമ്മദ് അൽ കിന്ദി,തഗ്‌ലബ് അൽ ബർവാനി, അബ്ദുല്ല ഹബീബ്, ബുതൈന അൽ റൈസി, ഖലീൽ അൽ സിനാനി, ഫലസ്തീനിൽനിന്നുള്ള ഡയറക്ടർ മുഹമ്മദ് ബക്രി, ബഹ്റൈനിൽ നിന്നുള്ള സംവിധായകൻ ഡയറക്ടർ യാക്കൂബ് അൽ മഖ്‌ല എന്നിവരെയാണ് ആദരിക്കുക.
ഒമാനിൽ ഒരു സിനിമ നിർമ്മിക്കുന്നതിന് ആവശ്യമായ ലൈസൻസുകൾ നേടുന്നതിനുള്ള നടപടിക്രമങ്ങൾ പരിചയപ്പെടുത്താൻ ലക്ഷ്യമിട്ടുള്ള സെമിനാറുകളും വർക്ക്ഷോപ്പുകളും ഉൾപ്പെടെ നിരവധി അനുബന്ധ പരിപാടികളും, സെമിനാറുകൾ, ശിൽപശാലകൾ, ഫെസ്റ്റിവൽ സൂക്ക് എന്നിവയുൾപ്പെടെ നിരവധി പരിപാടിക ളും ഫെസ്റ്റിവലിന്‍റെ ഭാഗമായി നടക്കുമെന്നും സംഘാടകർ വാർത്താസമ്മേളനത്തിൽ വ്യക്തമാക്കി.
