വാഹനം കുറുകെ വെച്ചത് ചോദ്യം ചെയ്തതിന് വെട്ടിപ്പരിക്കേൽപ്പിച്ച പ്രതികൾ പിടിയിൽ

കൊല്ലം  : കരുനാഗപ്പള്ളിയിൽ വാഹനം കുറുകെ വെച്ചത് ചോദ്യം ചെയ്തതിന് വെട്ടിപ്പരിക്കേൽപ്പിച്ച പ്രതികൾ പിടിയിൽ കായംകുളം കാപ്പിൽ കൊച്ചുതറ തെക്കതിൽ അൻസാരി മകൻ മുഹമ്മദ് ഫസൽ 25, കൃഷ്ണപുരം തോട്ട് കണ്ടത്തിൽ മനു ഭവനത്തിൽ മോഹനൻ മകൻ മനു മോഹൻ 27 എന്നിവരാണ് കരുനാഗപ്പള്ളി പോലീസിന്റെ പിടിയിലായത് ഇക്കഴിഞ്ഞ വ്യാഴാഴ്ച രാത്രിയിൽ തഴവ അമ്പലം മുക്കിന് സമീപം വെച്ച് തഴവ സ്വദേശിയായ നിധിൻ സ്കൂട്ടറിൽ യാത്ര ചെയ്യവേ പ്രതികൾ സഞ്ചരിച്ച സ്കൂട്ടർ ബൈക്കിന് കുറുകെ വെച്ചു. അത് ചോദ്യം ചെയ്തതിന്റെ വിരോധത്താൽ പ്രതികൾ കയ്യിൽ സൂക്ഷിച്ചിരുന്ന ഏതോ ആയുധം വെച്ച് തലയ്ക്ക് വെട്ടുകയും ചവിട്ടി നിലത്തിടാൻ ശ്രമിക്കുകയും ആയിരുന്നു. പരിക്കേറ്റ നിതിൻ ആലപ്പുഴ വണ്ടാനം മെഡിക്കൽ കോളേജിൽ ചികിത്സയിലാണ്.

നിതിൻ്റെ പരാതിയുടെ അടിസ്ഥാനത്തിൽ കേസെടുത്ത കരുനാഗപ്പള്ളി പോലീസ് സിസിടിവികളും മറ്റും പരിശോധിച്ചു പ്രതികളെ തിരിച്ചറിയുകയും ആലപ്പുഴ ജില്ലയിലെ ഒളി സങ്കേതത്തിൽ നിന്നും പിടി കൂടുകയും ആയിരുന്നു. കരുനാഗപ്പള്ളി എസിപി വിഎസ് പ്രദീപ്കുമാറിന്റെ നിർദ്ദേശത്താൽ കരുനാഗപ്പള്ളി പോലീസ് സ്റ്റേഷൻ എസ് എച്ച് ഓ അനൂപ് എസ് ഐ മാരായ ഷമീർ , ആഷിക് എ എസ് ഐ മാരായ രഞ്ജിത്ത് ,ശ്രീജിത്ത് എസ് സി പി ഓ മാരായ ഹാഷിം, മനോജ് എന്നിവരടങ്ങിയ സംഘമാണ് പ്രതിയെ പിടികൂടിയത്.