ഫെയ്മ കേരള സമാജം ബുൾദാന ഭാരവാഹികളെ തെരഞ്ഞെടുത്തു
മഹാരാഷ്ട്രയിലെ ബുൾദാന ജില്ല സംഘടനയായ ഫെയ്മ കേരളസമാജം ബുൾദാനയുടെ പൊതുയോഗം ബിജി ഷാജിയുടെ വസതിയിൽ വെച്ച് നടന്നു. ജലജ മുല്ലനേഴിയുടെ സ്വാഗതപ്രാർഥന ഗാനത്തിന്നുശേഷം ദീപം തെളിച്ചതോടെ പരിപാടികൾക്ക് തുടക്കമായി. പ്രസിഡൻ്റ് ശശിധരൻ കേളോത്ത് അധ്യക്ഷനായിരുന്ന ചടങ്ങിൽ സെക്രട്ടറി ഷൈൻ പാലമൂട്ടിൽ സ്വാഗതം ആശംസിച്ചു. ബുൾദാനയിലെ മലയാളികളുടെ വിവിധ വിഷയങ്ങൾ ചർച്ച ചെയ്യുകയും യാത്ര, NRK പ്രവാസികാർഡ് , പ്രവാസി ക്ഷേമ പദ്ധതികളിൽ പ്രവർത്തനം ത്വരിതപ്പെടുത്തുവാൻ തീരുമാനിച്ചു.
പുതിയ ഭാരവാഹികളായി പ്രസിഡൻ്റ് : ശശിധരൻ കേളോത്ത്.സെക്രട്ടറി : ഷൈൻ പാലമൂട്ടിൽ, ട്രഷർ : ബിജി ഷാജി എന്നിവരേയും കമ്മറ്റി അംഗങ്ങളായി രഞ്ചിത്ത് രമേശൻ,സഞ്ചു രാജപ്പൻ ,ദിവാകരൻ മുല്ലനേഴി ,ബാബൂസ് മണ്ണൂർ എന്നിവരേയും തെരഞ്ഞെടുത്തു. ഫെയ്മ മഹാരാഷ്ട്ര ഭാരവാഹികളായ ജനറൽ സെക്രട്ടറി പി പി അശോകൻ, ട്രഷറർ അനു ബി.നായർ (ട്രഷർ ) എന്നിവർ ഫെയ്മ മഹാരാഷ്ട്രയുടെ സംരംഭങ്ങളെ കുറിച്ച് വിശദീകരിച്ചു.
34 വർഷത്തെ സമർപ്പണ സേവനത്തിന് ശേഷം ഹിന്ദുസ്ഥാൻ യൂണിലിവർ ഖാംഗാവ് കമ്പനിയിൽ നിന്ന് വിരമിച്ച മുല്ലനേഴി ദിവാകരൻ നമ്പൂതിരിയെ ആദരിക്കുന്നതിനായി പ്രത്യേക അനുമോദന ചടങ്ങ് നടന്നു. ചടങ്ങിൽ പ്രത്യേക ഉപഹാരങ്ങളും സമ്മാനിച്ചു.
SSDV SCHOOL PRINCIPAL ശ്രീ എഡ്മൺഡ് ഡാൻറ്റിസ് സർ ആശംസ പ്രസംഗം നടത്തി.
ശ്രീമതി രാജി പ്രശാന്ത് നടത്തിയ മറുപടി പ്രസംഗത്തോടും നന്ദി പ്രകാശനത്തോടും കൂടി പരിപാടികൾ സമാപിച്ചു.
