കണക്കൂർ ആർ. സുരേഷ് കുമാറിൻ്റെ ‘ദൈവികം’ പ്രകാശനം ചെയ്തു
ചെമ്പൂർ : മുംബൈ നഗരത്തിൻ്റെ കാണാക്കാഴ്ചകൾ എഴുതിയ, കണക്കൂർ ആർ സുരേഷ്കുമാറിൻ്റെ പുതിയ നോവൽ ദൈവികം മുംബൈയിൽ ചെമ്പൂരിലെ ആദർശ വിദ്യാലയത്തിൽ വച്ച് പ്രകാശനം ചെയ്തു. മലയാള ഭാഷ പ്രചാരണ സംഘം പ്രസിഡന്റ് റീന സന്തോഷിൻ്റെ അധ്യക്ഷതയിൽ നടന്ന മപതിമൂന്നാം മലയാളോത്സവത്തിൻ്റെ സമാപന ചടങ്ങിൽ പ്രശസ്ത എഴുത്തുകാരിയും സാഹിത്യ അക്കാദമി പുരസ്കാര ജേതാവുമായ നന്ദിനി മേനോൻ പുസ്തകത്തിൻ്റെ പ്രകാശനം നിർവ്വഹിച്ചു.
മലയാളോത്സവം കൺവീനർ അനിൽ പ്രകാശ് ആദ്യ കോപ്പി ഏറ്റുവാങ്ങി. പുസ്തകം പരിചയപ്പെടുത്തി സംസാരിച്ച തുളസി മണിയാർ ‘ദൈവികം’ നഗരത്തിൻ്റെ തികച്ചും വേറിട്ടൊരു ആഖ്യാനമാണ് എന്ന് പറഞ്ഞു. ദൈവത്തെ കുറിച്ചുള്ള അന്വേഷണത്തിൽ വായനക്കാരനും ഇതിൽ ഭാഗമാകുന്നുണ്ടെന്നും അവർ വ്യക്തമാക്കി. ചിന്ത പബ്ലിഷേഴ്സ് ആണ് പുസ്തകത്തിൻ്റെ പ്രസാധകർ.
