സാംഗ്ലി വളം പ്ലാൻ്റിൽ വാതക ചോർച്ച: 3 പേർ മരിച്ചു 9 പേർ ആശുപത്രിയിൽ
സാംഗ്ലി: മഹാരാഷ്ട്രയിലെ സാംഗ്ലി ജില്ലയിലെ ഒരു വളം പ്ലാൻ്റിലെ റിയാക്ടറിലുണ്ടായ സ്‌ഫോടനത്തെ തുടർന്നുണ്ടായ വാതക ചോർച്ചയിൽ രണ്ട് സ്ത്രീകൾ ഉൾപ്പെടെ മൂന്ന് പേർ മരിക്കുകയും ഒമ്പത് പേർക്ക് പരിക്കേൽക്കുകയും ചെയ്തു. കടേഗാവ് ഗ്രാമത്തിലെ ഷാൽഗാവ് എംഐഡിസിയിലെ മ്യാൻമർ കെമിക്കൽ കമ്പനിയിലാണ് ഇന്ന് രാവിലെ സംഭവം നടന്നത്.
പ്ലാൻ്റിലെ റിയാക്ടർ പൊട്ടിത്തെറിച്ച് രാസപുക പുറന്തള്ളുകയായിരുന്നുവെന്ന് പോലീസ് പറഞ്ഞു.
“ഗ്യാസ് ലീക്ക് കാരണം, യൂണിറ്റിലെ 12 ഓളം പേരെ ബാധിക്കുകയും ആശുപത്രിയിൽ എത്തിക്കുകയും ചെയ്തു. ഇതിൽ രണ്ട് സ്ത്രീ തൊഴിലാളികളും ഒരു സെക്യൂരിറ്റി ജീവനക്കാരുമാണ് മരിച്ചത്. മറ്റ് ഒമ്പത് പേർ ചികിത്സയിലാണ്, ”കഡെഗാവ് പോലീസ് സ്റ്റേഷനിലെ സീനിയർ ഇൻസ്പെക്ടർ സംഗ്രാം ഷെവാലെ മാധ്യമങ്ങളെ അറിയിച്ചു.
കൊല്ലപ്പെട്ട രണ്ട് സ്ത്രീകളെ , സാംഗ്ലി ജില്ലയിലെ യെത്ഗാവിൽ നിന്നുള്ള സുചിത ഉതാലെ (50), സത്താറ ജില്ലയിലെ മസൂറിൽ നിന്നുള്ള നീലം രേത്രേക്കർ (26) എന്നിവരെ തിരിച്ചറിഞ്ഞതായി ഉദ്യോഗസ്ഥർ പറഞ്ഞു.
വാതകം അമോണിയയാണെന്ന് സംശയിക്കുന്നതായി സാംഗ്ലി പോലീസ് സൂപ്രണ്ട് സന്ദീപ് ഘുഗെ പറഞ്ഞു.
