മഴക്കാലം സംപൂർണം, ലാ നിന ഓഗസ്റ്റിലെത്തും
സാധാരണയായി ഇന്ത്യയിൽ മൺസൂണുമായി ബന്ധപ്പെട്ട ലാ നിന ഓഗസ്റ്റ്-സെപ്റ്റംബർ മാസത്തിൽ ആരംഭിക്കാൻ സാധ്യതയുണ്ടെന്ന് കാലാവസ്ഥാ വകുപ്പിന്റെ അറിയിപ്പ്. വടക്കുപടിഞ്ഞാറൻ, കിഴക്ക്, വടക്കുകിഴക്കൻ സംസ്ഥാനങ്ങളിലെ ചില പ്രദേശങ്ങൾ ഒഴികെ രാജ്യത്തിൻ്റെ മിക്ക ഭാഗങ്ങളിലും സാധാരണയിൽ കവിഞ്ഞ മഴ ലഭിക്കാൻ സാധ്യത. അതേസമയം, എൽ നിനോയ്ക്ക് പിന്നാലെ ലാ നിന എത്തിയ ഒമ്പത് തവണകളിലും ഇന്ത്യയിൽ സാധാരണയിൽ കവിഞ്ഞ മൺസൂൺ മഴ അനുഭവപ്പെട്ടിരുന്നതായി ഐഎംഡി മേധാവി മൃത്യുഞ്ജയ് മൊഹപത്ര.
ജനുവരി മുതൽ മാർച്ച് വരെയുള്ള കാലയളവിലെ മഞ്ഞുവീഴ്ച സാധാരണ നിലയിലല്ലെന്നും റിപ്പോർട്ടിൽ പറയുന്നു. മെയ് അവസാന വാരത്തിൽ മൺസൂൺ കാലവർഷത്തിൻ്റെ പുതുക്കിയ പ്രവചനങ്ങൾ കാലാവസ്ഥാ വകുപ്പ് പുറപ്പെടുവിക്കുമെന്നും ഇതിൽ പറയുന്നു. കൂടാതെ, ഈ വർഷം ജൂൺ-സെപ്റ്റംബർ മാസങ്ങളിൽ ഇന്ത്യയിൽ ‘സാധാരണ’ മൺസൂൺ റിപ്പോർട്ട് ചെയ്യുമെന്ന് പ്രതീക്ഷിക്കുന്നതായും സ്വകാര്യ കാലാവസ്ഥാ പ്രവചന ഏജൻസിയായ സ്കൈമെറ്റ് പറഞ്ഞിരുന്നു.നാല് മാസത്തെ ദീർഘകാല ശരാശരിയായ 868.8 മീറ്ററിൻ്റെ 102 ശതമാനവും ഇന്ത്യയിൽ മൺസൂൺ മഴ ലഭിക്കുമെന്ന് സ്വകാര്യ കാലാവസ്ഥാ പ്രവചന ഏജൻസി അറിയിച്ചു. ഈ പ്രവചനമനുസരിച്ച് മഹാരാഷ്ട്രയിലും മധ്യപ്രദേശിലും മതിയായ മഴ ലഭിച്ചേക്കും. ബീഹാർ, ജാർഖണ്ഡ്, ഒഡീഷ, പശ്ചിമ ബംഗാൾ തുടങ്ങിയ സംസ്ഥാനങ്ങളിൽ ജൂലൈ-ഓഗസ്റ്റ് മൺസൂൺ മാസങ്ങളിൽ കുറഞ്ഞ മഴ ലഭിക്കാനാണ് സാധ്യത. സ്കൈമെറ്റ് പറയുന്നതനുസരിച്ച്, വടക്കുകിഴക്കൻ ഇന്ത്യയിൽ സീസണിൻ്റെ ആദ്യ പകുതിയിൽ സാധാരണ മഴയേക്കാൾ കുറവായിരിക്കും.
എൽ നിനോ അതിവേഗം ലാ നിനയായി മാറിക്കൊണ്ടിരിക്കുകയാണെന്ന് സ്കൈമെറ്റ് മാനേജിംഗ് ഡയറക്ടർ ജതിൻ സിംഗ് പറഞ്ഞു. ലാ നിന വർഷങ്ങളിൽ മൺസൂൺ പ്രവാഹം ശക്തമാകും. മാത്രമല്ല, സൂപ്പർ എൽ നിനോ ശക്തമായ ലാ നിനയിലേക്കുള്ള മാറ്റം നല്ല മൺസൂൺ സൃഷ്ടിക്കാറുമുണ്ട്. പ്രാരംഭ ഘട്ടത്തെ അപേക്ഷിച്ച് മൺസൂൺ സീസണിൻ്റെ രണ്ടാം പകുതിയിൽ വലിയ കുതിച്ചുചാട്ടമുണ്ടാകും. ഇന്ത്യയുടെ വാർഷിക മഴയുടെ 70 ശതമാനവും തെക്കുപടിഞ്ഞാറൻ മൺസൂൺ നൽകുന്നു, ഇത് കാർഷിക മേഖലയ്ക്ക് നിർണായകമാണ്. രാജ്യത്തിൻ്റെ ജിഡിപിയുടെ 14 ശതമാനവും കൃഷിയാണ്.
