ബലാല്സംഗ കേസില് ജാമ്യത്തില് ഇറങ്ങിയ പ്രതിക്ക് പുഷ്പമാലയണിയിച്ച് സ്വീകരണം
ജാമ്യത്തില് ഇറങ്ങിയ ബലാല്സംഗ കേസിലെ പ്രതിയായ ഹിന്ദു യുവ വാഹിനി അംഗത്തെ പുഷ്പമാലയണിയിച്ച് സ്വീകരണം. ഉത്തര്പ്രദേശിലെ ഗാസിയാബാദിലാണ് ഞെട്ടിക്കുന്ന സംഭവം നടന്നത്. നിയമ വിദ്യാര്ഥിയായ പെണ്കുട്ടിയെ ബലാല്സംഗം ചെയ്ത കേസില് ജയിലില് പോയ പ്രതിക്കാണ് ഹീറോ പരിവേഷത്തില് സ്വീകരണം നല്കിയത്. ഹിന്ദു യുവ വാഹിനി മുന് അംഗമായ സുശീല് പ്രജാപതിയാണ് പ്രതി. ജയിലില് നിന്നും പുറത്തിറങ്ങിയ ഇയാളെ, മാലയണിയിച്ച് ചുമലിലേറ്റി റോഡ് ഷോയും നടത്തിയാണ് കൊണ്ടുപോയത്. തിരഞ്ഞെടുപ്പിലോ മല്സരത്തിലോ വിജയിച്ചു വരുന്നയാള്ക്ക് ലഭിക്കുന്നതു പോലെയാണ് സ്വീകരണം. കൈ കൊടുത്തും ചിരിച്ചും നില്ക്കുന്ന നിരവധി പേരേയും ചുറ്റും കാണാം. അഭിഭാഷകനെ കാണാം എന്ന് വാഗ്ദാനം ചെയ്ത് പെണ്കുട്ടിയെ ഫ്ളാറ്റില് എത്തിച്ചു പീഡിപ്പിച്ചുവെന്നാണ് ഇയാള്ക്കെതിരെയുള്ള കേസ്. ഒമ്പത് മാസത്തെ ജയില്വാസത്തിനു ശേഷം മെയ് 17 നാണ് ഇയാള്ക്ക് ജാമ്യം ലഭിച്ചത്. സ്വീകരണ വീഡിയോ വൈറലായതോടെ, സംഭവത്തില് അന്വേഷണം നടത്തുമെന്ന് പോലിസ് അറിയിച്ചു.
