സൗജന്യ ആയുർവേദ മെഡിക്കൽ ക്യാമ്പ് സംഘടിപ്പിച്ചു

ആലപ്പുഴ : ആർത്തുങ്കൽ കോസ്റ്റൽ പോലീസ് സ്റ്റേഷന്റെയും, ഭാരതീയ ചികിത്സവകുപ്പ് ആലപ്പുഴയുടെയും, കാഞ്ഞിരംചിറ റെസിഡൻഷ്യൽ  അസോസിയേഷന്റെയും സംയുക്ത ആഭിമുഖ്യത്തിൽ 24-11-2025 തിയതി തിങ്കളാഴ്ച രാവിലെ 09:00 മണി മുതൽ കാഞ്ഞിരംചിറ  സെന്റ് ജോസഫ്‌ കുരിശടിയിൽ വെച്ചു സൗജന്യ ആയുർവേദ മെഡിക്കൽ ക്യാമ്പ്‌ സംഘടിപ്പിച്ചു. അർത്തുങ്കൽ കോസ്റ്റൽ പോലീസ് സ്റ്റേഷൻ ഇൻസ്‌പെക്ടർ എസ് റ്റി ബിജു അദ്ധ്യക്ഷത വഹിച്ച യോഗം ആലപ്പുഴ ജില്ലാ പോലീസ് മേധാവി എം പി മോഹനചന്ദ്രൻ ഐ പി എസ് ഉദ്ഘാടനം ചെയ്തു. ആലപ്പുഴ വെള്ളാപ്പള്ളി അസ്സിസി ചർച്ച് വികാരി റവ : ഫാദർ സന്തോഷ്‌ പുളിക്കൽ മുഖ്യപ്രഭാഷണം നടത്തി. ഭാരതിയ ചികിത്സ വകുപ്പ് ജില്ല ഹോസ്പിറ്റൽ ചീഫ് മെഡിക്കൽ ഓഫീസർ ഡോക്ടർ ശ്രീജ ആർ ആന്റി മൈക്രോബിയൽ റെസിഡൻസ് വാരാചരണത്തെക്കുറിച്ച് ബോധവൽക്കരണം നടത്തി.

സബ് ഇൻസ്‌പെക്ടർമാരായ മിറാഷ് ജോൺ, ജോസഫ്‌ ജേക്കബ്, ടുറിസം പോലീസ് സബ് ഇൻസ്‌പെക്ടർ പി ആർ രാജേഷ്, കാഞ്ഞിരംചിറ  സ്പോർട്സ് ഹബ്ബ് സെക്രട്ടറി സുനിൽ ജോർജ്, കടലോര ജാഗ്രത സമിതി അംഗം വി എസ് ജൂബി, കാഞ്ഞിരം ചിറ റെസ്ൽഡൻഷ്യൽ അസോസിയേഷൻ സെക്രട്ടറി ആൻഡ്രിയ സുരേഷ്,  തുടർബാല്യം പ്രവർത്തക ജെസ്സി രാജേഷ് എന്നിവർ ആശംസകൾ അർപ്പിച്ചു സംസാരിച്ചു. കാഞ്ഞിരംചിറ റെസിഡൻഷ്യൽ അസോസിയേഷൻ പ്രസിഡന്റ കെ കെ ഉമാപതി സ്വാഗതവും, ബീറ്റ് ഓഫീസർ അൻസാർ വി എച്ച് നന്ദിയും രേഖപെടുത്തി. നവംബർ 6ന് ഡൽഹി സ്വദേശിയായ  71 വയസുള്ള ആൾ മാരാരിക്കുളം ബീച്ചിൽ കുഴഞ്ഞു വീണു തിരയിൽപെട്ടു അബോധാവസ്ഥയിൽ ആകുകയും അന്ന് ബീച്ചിൽ ഡ്യൂട്ടിയിൽ ഉണ്ടായിരുന്ന കോസ്റ്റൽ വാർഡൻ സൈറസ് ഉടനെ സി പി ആർ കൊടുക്കുകയും, ഉടനെ ആശുപത്രിയിൽ എത്തിച്ചു ജീവൻ രക്ഷിക്കാൻ സാധിക്കുകയും ചെയ്തിരുന്നു. കൃത്യസമയത്ത് സിപി ആർ കൊടുത്ത സൈറസിനെയും, സംസ്ഥാന സ്കൂൾ കായിക മേളയിൽ 800 മീറ്റർ ഓട്ടമത്സരത്തിൽ സ്പൈക്സ് ഊരിപ്പോയിട്ടും ലക്ഷ്യം കൈവിടാതെ വെങ്കല  മെഡൽ നേടിയ മത്സ്യതൊഴിലാളി യായ ടെൻസിയുടെ മകൾ എയ്ഞ്ചൽ റോസിനെയും ജില്ലാ പോലീസ് മേധാവി എം പി മോഹനചന്ദ്രൻ ഐ പി എസ് ആദരിച്ചു.

ക്യാമ്പിൽ ഡോക്ടർ  ശ്രീജ ആർ,ഡോക്ടർ രാജേഷ് എസ്, ഡോക്ടർ ലക്ഷ്മി പ്രിയ, ഡോക്ടർ നിഷ ടി  വി, ഡോക്ടർ ആമിന, ഡോക്ടർ നീതു ഹർഷ,, ആന്റണി, നാസില  എന്നിവർ പങ്കെടുത്തു. പോലീസ് ഉദ്യോഗസ്ഥരായ ഷീബ, സുമ, സുബിത, സുനീഷ്, വിജയൻ, വിവേക് അനീഷ്‌, ഷാജിത്ത് ശ്രീദേവി, കോസ്റ്റൽ വാർഡൻമാരായ രഞ്ജിത്ത് ജെറോം ജോസഫ്, സൈറസ്, എന്നിവർ പങ്കെടുത്തു. കാഞ്ഞിരംചിറ റെസിഡൻഷ്യൽ അസോസിയേഷൻ ഭാരവാഹികൾ, കാഞ്ഞിരം ചിറ സ്പോർട്സ് ഹബ്ബ്‌  ഭാരവാഹികൾ, തുടർബാല്യം പ്രവർത്തകർ, കടലോര ജാഗ്രത സമിതി അംഗങ്ങൾ,തീരദേശ വാസികൾ, നാട്ടുകാർ എന്നിവർ ക്യാമ്പിൽ പങ്കെടുത്തു.