വാതകച്ചോർച്ചയിൽ സഹോദരികളായ രണ്ട് യുവതികൾക്ക് ദാരുണാന്ത്യം
മൈസൂരു : വാട്ടർഹീറ്ററിൽ നിന്നുള്ളണ്ടായ വാതകച്ചോർച്ചയിൽ സഹോദരികളായ രണ്ട് യുവതികൾക്ക് ദാരുണാന്ത്യം. മൈസൂരുവിൽ ഇന്നലെയാണ് സംഭവം നടന്നത്. ഗുൽഫാം (23), സിമ്രാൻ താജ് (20) എന്നിവരാണ് മരിച്ചത്. കുളമുറിയിലെ വാട്ടിർ ഹീറ്ററിൽ നിന്നാണു വാതകച്ചോർച്ച ഉണ്ടായത്.
ഇന്നലെ രാവിലെ സഹോദരിമാർ ഒരുമിച്ച് കുളിക്കാൻ കയറിയതായിരുന്നു. ഏറെ നേരം കഴിഞ്ഞിട്ടും ഇരുവരും തിരിച്ചിറങ്ങിയില്ല. തുടർന്ന് പിതാവ് വാതിൽ തള്ളിത്തുറത്ത് അകത്ത് കയറി നോക്കിയപ്പോഴാണ് ഇരുവരെയും അബോധാവസ്ഥയിൽ കണ്ടെത്തിയത്. ഉടൻ തന്നെ രണ്ട് പേരെയും ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
