സംസ്ഥാനത്തെ റസ്റ്റോറന്‍റുകളിൽ ജിഎസ്ടി വിഭാഗത്തിന്റെ മിന്നൽ പരിശോധന.
എറണാകുളം: സംസ്ഥാനത്തെ റസ്റ്റോറന്‍റുകളിൽ ജിഎസ്ടി വിഭാഗത്തിന്റെ മിന്നൽ പരിശോധന. കോടിക്കണക്കിന് രൂപയുടെ ജിഎസ്ടി തട്ടിപ്പ് കണ്ടെത്തി. ജിഎസ്ടി തട്ടിപ്പ് കണ്ടെത്താൻ ഓപ്പറേഷൻ ഹണി ഡ്യൂക്സ് എന്ന പേരിലാണ് പരിശോധന നടന്നത്. 41 റെസ്റ്റോറന്റുകളിലാണ് പരിശോധന നടത്തിയത്. കൊച്ചിയിൽ ഒൻപതിടങ്ങളിലാണ് പരിശോധന നടന്നത്. ബില്ലിങ് സോഫ്റ്റ്‌വെയറിൽ കൃത്രിമം നടത്തി തട്ടിപ്പെന്നാണ് കണ്ടെത്തൽ. വരുമാനം കുറച്ചു കാണിച്ചും തട്ടിപ്പ് നടത്തി. ഇതോടെ കോടിക്കണക്കിന് രൂപയുടെ നികുതിവെട്ടിപ്പാണ് സംസ്ഥാന വ്യാപകമായി കണ്ടെത്തിയത്. ഇന്നലെ വൈകുന്നേരം തുടങ്ങിയ പരിശോധന ഇന്ന് പുലർച്ചെയാണ് പൂർത്തീകരിച്ചത്
