ആറാട്ടുപുഴ മംഗലം ക്ഷേത്രത്തിൽ ഇടിമിന്നലടിച്ചു ; കനത്ത നാശനഷ്ടം
ഹരിപ്പാട്: മംഗലം ഇടയ്ക്കാട് ജ്ഞാനേശ്വരം ക്ഷേത്രത്തിൽ കഴിഞ്ഞദിവസം പുലർച്ചെയുണ്ടായ അപ്രതീക്ഷിത ഇടിമിന്നലിൽ കനത്ത നാശമുണ്ടായി. ക്ഷേത്ര വളപ്പിൽ ആറാട്ടുപുഴ വേലായുധപ്പണിക്കർ സ്മാരകത്തിന് പിന്നിലായി നിന്ന വലിയ കാറ്റാടി മരം മിന്നലേറ്റ് വിണ്ടുകീറിയ നിലയിലാണ്.
ക്ഷേത്രത്തിന്റെ ഓഫീസിലെ ഇൻവർട്ടർ കത്തിനശിച്ചു. സി സി ടി വി കാമറയുടെ ഹാർഡ് ഡിസ്‌കും മോണിറ്ററും തകരാറിലായിട്ടുണ്ട്. വേലായുധപ്പണിക്കർ സ്മാരക ഓഡിറ്റോറിയത്തിലെ ഒൻപത് സീലിങ് ഫാനുകളും 13 ലൈറ്റുകളും കേടായി. സ്മാരകത്തിലേക്കുള്ള വൈദ്യുതി കണക്ഷന്റെ മീറ്ററും കത്തിപ്പോയി.
