ഫെയ്മ – നോർക്ക ഐഡി കാർഡ് അംഗത്വ വിതരണ ക്യാമ്പയിൻ നാളെ
പൂനെ – ‘ഫെഡറേഷൻ ഓഫ് ആൾ ഇന്ത്യാ മറുനാടൻ മലയാളി അസ്സോസിയേഷൻസ്’ മഹാരാഷ്ട്ര സംസ്ഥാന കമ്മിറ്റിയുടെ ഉപസമിതിയായ ഫെയ്മ മഹാരാഷ്ട്ര മലയാളി വെൽഫെയർ സെല്ലിൻ്റെ നേതൃത്വത്തിൽ മഹാരാഷ്ട്രയിലെ എല്ലാ മലയാളികൾക്കും കേരളാ സർക്കാരിന്റെ നേർക്കാ പ്രവാസി ഇൻഷുറൻസ് കാർഡ് എന്ന മിഷന്റെ ഭാഗമായി 36 ജില്ലകളിലും നടക്കുന്ന ക്യാമ്പുകളുടെ ഭാഗമായി , നാളെ(ഞായറാഴ്ച ) രാവിലെ 11.00 മണി മുതൽ വൈകിട്ട് 5.00 മണി വരെ എസിഇ അരീന, ബാഡ്മിന്റൺ ക്ലബ്‌, പിപ്രി പൂനയിൽ നോർക്ക ഇൻഷുറൻസ് കാർഡ് അംഗത്വ കാമ്പയിൻ നടക്കും . ഉദ്ഘാടനംറഫീഖ് എസ് (നോർക്ക ഡെവലപ്പ്മെന്റ് ഓഫീസർ, കേരളാ സർക്കാർ ഡെപ്യുട്ടി സെക്രട്ടറി) നിർവഹിക്കും.
പ്രവാസി മലയാളി സുഹൃത്തുക്കൾക്ക് കേന്ദ്ര സർക്കാർ, മഹാരാഷ്ട്ര സർക്കാർ, കേരളാ സർക്കാർ സ്ഥാപനങ്ങളിലൂടെ ലഭ്യമാകുന്ന എല്ലാ അനുകൂല്യങ്ങളും നേടിയെടുക്കുവാൻ വിവിധ പ്രദേശങ്ങളിൽ സംഘടിപ്പിക്കുന്ന ക്യാമ്പയിനുകളിൽ നോർക്കാ റൂട്ട്സിന്റെ പ്രതിനിധികളും ഫെയ്മ മഹാരാഷ്ട്രയുടെ പ്രതിനിധികളും അതാത് പ്രദേശത്തെ സംഘടനാ നേതാക്കളും സംയുക്തമായി നടത്തികൊണ്ടിരിക്കുന്ന ക്യാമ്പയുനുകളിൽ നോർക്കാ റൂട്ട്സ് ഇൻഷുറൻൻസ് കാർഡ് / പ്രവാസി ക്ഷേമനിധി പെൻഷൻ സ്കീം തുടങ്ങി പദ്ധതികളുടെ അംഗത്വ രെജിസ്ട്രേഷനും ഉണ്ടായിരിക്കുന്നതാണ് എന്ന് ഫെയ്മ ഭാരവാഹികൾ അറിയിച്ചു.
നോർക്ക റൂട്ട്സ് ഏർപ്പെടുത്തിയിട്ടുള്ള ഇൻഷുറൻസ് കാർഡ് എടുക്കുന്നതിന് വേണ്ടി കേരളാ സർക്കാർ നിർദേശിച്ചിട്ടുള്ള രേഖകളോടൊപ്പം ഏപ്രിൽ 1 മുതൽ 408.00 രൂപ അംഗത്വ ഫീസായി നൽകണ്ടതാണ് പ്രായപരിധി 18-70, അതുപോലെ കാർഡിന്റെ കാലാവധി മൂന്ന് വർഷത്തേയ്ക്കുള്ളതാണ്. കാർഡിന് 500000/- രൂപയുടെ പോളിസി കവറേജും ക്ഷേമനിധി പെൻഷന് സ്‌കിമിന് അംഗത്വം എടുക്കണമെങ്കിൽ ഈ കാർഡ് ആവശ്യവുമാണ്. കൂടാതെ വിദേശ പ്രവാസികൾക്ക് മാത്രം ഉണ്ടായിരുന്ന പ്രവാസി രക്ഷാ ഇൻഷുറൻസ് പോളിസി 661/- രൂപയ്ക്ക് ഒരു വർഷത്തെ കാലാവധി ഇത് അസുഖങ്ങൾക്ക് 1,00,000/- രൂപയും ആക്സിഡന്റ് കവറേജ് 3,00,000/- രൂപയും ആണ് ഇത് ഏപ്രിൽ 1 മുതൽ ഇന്ത്യക്കകത്തുള്ള പ്രവാസികൾക്കും ബാധകമാക്കിയിട്ടുണ്ട്.
വിശദവിവരങ്ങൾക്ക്:
- ഫെയ്മ മഹാരാഷ്ട്ര മലയാളി വെൽഫെയർ സെൽ പൂന കോഡിനേറ്റേഴ്സ് മായി ബന്ധപ്പെടാവുന്നതാണ്.
റെജി ജോർജ് – 096048 70835
ജിതിൻ ജെ മാത്യു – 8606404437
ഫെയ്മ മഹാരാഷ്ട്ര യൂത്ത് വിംഗ് പ്രസിഡന്റ് – അരുൺ കൃഷ്ണ – 099724 57774
കേരള ഗവൺമെന്റിന്റെ നേതൃത്വത്തിലുള്ള നോർക്ക റൂട്ട്സ് ചെയ്യുന്ന സേവനങ്ങളെക്കുറിച്ചും നോർക്ക ഇൻഷുറൻസ് കാർഡ് ഓരോ പ്രവാസി മലയാളിയും എടുക്കേണ്ടതിന്റെ ആവശ്യകതയെക്കുറിച്ചും പ്രവാസികൾക്കായി കേരള ഗവൺമെൻറ് പ്രവാസി ക്ഷേമ വകുപ്പ് നടപ്പിലാക്കുന്ന പെൻഷൻ പദ്ധതിയെ കുറിച്ചും വിശദമായി അറിയുവാനും മഹാരാഷ്ട്രയിലെ എല്ലാ ജില്ലകളിലും ക്യാമ്പുകൾ നടത്തുവാൻ താല്പര്യമുള്ള സംഘടനകൾ, വ്യക്തികൾ ഫെയ്മ മഹാരാഷ്ട്ര മലയാളി വെൽഫയർ സെൽ ഭാരവാഹികളായ ഉണ്ണി വി ജോർജ് – പ്രസിഡന്റ് (9422267277)ബാലൻ പണിക്കർ – സെക്രട്ടറി (9322265976)രാധാകൃഷ്ണൻ റ്റി വി – പി ആർ ഇൻചാർജ് (9665066729) എന്നിവരുമായി ബന്ധപ്പെടാവുന്നതാണ്.
