നോർക്കാ ഇൻഷുറൻസ് ഐഡി കാർഡ് അംഗത്വ വിശദീകരണ ക്യാമ്പയിൻ ‘ഫെയ്മ’ തുടരുന്നു …

ഫെയ്മ – മഹാരാഷ്ട്ര മലയാളി വെൽഫെയർ സെല്ലിൻ്റെ  നോർക്കാ ഇൻഷുറൻസ് ഐഡി കാർഡ് അംഗത്വ വിശദീകരണ ക്യാമ്പയിൻ സംസ്ഥാനത്തിൻ്റെ  വിവിധ ഭാഗങ്ങളിലേയ്ക്ക് 

മുംബൈ :ഫെയ്മ മഹാരാഷ്ട്ര മലയാളി വെൽഫെയർ സെൽ മഹാരാഷ്ട്ര സംസ്ഥാന കമ്മറ്റി പ്രവാസി മലയാളികൾക്കുവേണ്ടി മഹാരാഷ്ട്രയുടെ വിവിധ ഭാഗങ്ങളിൽ ക്യാമ്പുകൾ സംഘടിപ്പിക്കുന്നതിന്റെ ഭാഗമായി മുംബൈ ഉറാൻ ദ്രോണഗിരി മലയാളി കൂട്ടായ്മ, ഉറാൻ കൊട്ട് നാക്കയ്ക്ക് സമീപം ഉള്ള ആനന്ദി ഹോട്ടലിൽ വച്ച് നോർക്ക ഇൻഷുറൻസ് ഐഡി കാർഡ് അംഗത്വ വിശദീകരണയോഗം നടത്തി .
ഉറാൻ ദ്രോണഗിരി മലയാളി കൂട്ടായ്മ പ്രസിഡന്റ് ബാബുവിന്റെ അധ്യക്ഷതയിൽ നടന്ന ചടങ്ങിൽ മഹാരാഷ്ട്രയിലെ നോർക്ക ഡെവലപ്മെന്റ് ഓഫീസ് പ്രധിനിധി കളായ ഭരത് എൻ എസ്, നൈന ഷാജു എന്നിവർ മുഖ്യാതിഥിയായിരുന്നു .
കേരള ഗവൺമെന്റിന്റെ നേതൃത്വത്തിലുള്ള നോർക്ക റൂട്ട്സ് ചെയ്യുന്ന സേവനങ്ങളെക്കുറിച്ചും നോർക്ക ഇൻഷുറൻസ് കാർഡ് ഓരോ പ്രവാസി മലയാളിയും എടുക്കേണ്ടതിന്റെ ആവശ്യകതയെക്കുറിച്ചും കൂടാതെ പ്രവാസികൾക്കായി കേരള ഗവൺമെൻറ് പ്രവാസി ക്ഷേമ വകുപ്പ് നടപ്പിലാക്കുന്ന പെൻഷൻ പദ്ധതിയെ കുറിച്ചും യോഗത്തിൽ വിശദീകരിച്ചു.
ചടങ്ങിൽ നിരവധി പേർ പങ്കെടുത്തു. പങ്കെടുത്തവർക്ക് എല്ലാം നോർക്ക ഐഡി കാർഡ് എടുക്കുന്നതിനു വേണ്ടിയുള്ള അപേക്ഷാഫോറം വിതരണം ചെയ്തു.

ദ്രോണഗിരി മലയാളി കൂട്ടായ്മ സെക്രട്ടറി ഗോപകുമാർ എ സ്വാഗതം പറഞ്ഞ ചടങ്ങിൽ, സ്വാഗതസംഘം കൺവീനർമാരായ മോഹൻ ദാസ്, അനിൽ ഗോപാൽ എന്നിവർ ചേർന്ന് നോർക്ക പതിനിധികളെ സ്വീകരിക്കുകയും ഫെയ്മ മഹരാഷ്ട്ര വെൽഫെയർ സെൽ സെക്രട്ടറി ബാലൻ പണിക്കർ മുംബൈ കോഡിനേറ്റർ ഉഷാ തമ്പി ജോൺ എന്നിവർ യോഗത്തിൽ സംസാരിക്കുകയും ചെയ്തു.
ദ്രോണഗിരി മലയാളി കൂട്ടായ്മ ട്രഷറർ ദീപക് പിള്ള നന്ദിയും പറഞ്ഞു.
മഹാരാഷ്ട്രയിലെ മറ്റ്‌ ജില്ലകളിലും ഇതുപോലെ ക്യാമ്പുകൾ നടത്തുവാൻ ആഗ്രഹിക്കുന്നവരും സംഘടനകളും ഫെയ്മ മഹാരാഷ്ട്ര മലയാളി വെൽഫയർ സെൽ പ്രസിഡന്റ് ഉണ്ണി വി ജോർജ് 9422267277
പി ആർ ഇൻചാർജ് രാധാകൃഷ്ണൻ റ്റി വി 9665066729 എന്നിവരുമായി ബന്ധപ്പെടേണ്ടതാണെന്ന് ഫെയ്മ പ്രതിനിധികൾ അറിയിച്ചു