ബാറിനുള്ളിൽ കത്തി കുത്ത്! CITU തൊഴിലാളി കൊല്ലപ്പെട്ടു, ഒരാൾക്ക് ഗുരുതരം
കൊല്ലം . കൊല്ലം ചടയമംഗലത്ത് ബാറിനുള്ളിൽ നടന്ന കത്തിക്കുത്തിൽ സി ഐ ടി യു തൊഴിലാളി കൊല്ലപ്പെട്ടു. ചടയമംഗലം സ്വദേശി സുധീഷ് ആണ് കുത്തേറ്റ് മരിച്ചത്. ബാറിലെ സെക്യൂരിറ്റി ജീവനക്കാരനാണ് സുധീഷിനെ കുത്തിയത്.
മറ്റൊരു സിഐടിയു തൊഴിലാളി ഇടുക്കുപാറ സ്വദേശി ഷിനുവിനെ ഗുരുതരമായ നിലയിൽ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിട്ടുണ്ട്. ബാറിലെ സെക്യൂരിറ്റി ജീവനക്കാരനാണ് ഇരുവരെയും കുത്തിയത്. സംഭവം അറിഞ്ഞെത്തിയ പൊലീസ്, പ്രതി വെള്ളിമൺ നാന്തിരിക്കൽ കാക്കോലിവിള ഹൗസിൽ ജിബിനെ (44) നെഅറസ്റ്റ്‌ ചെയ്തു.
സംഭവത്തിൽ പ്രതിഷേധിച്ച് ബാറിനു നേരേ സിപിഎം നേതൃത്വത്തിൽ വലിയ അക്രമമുണ്ടായി. വൻ പൊലീസ് സംഘം സ്ഥലത്ത് ക്യാമ്പ് ചെയ്യുന്നു. സുധീഷ് അവിവാഹിതനാണ്. മൃതദേഹം കടയ്‌ക്കൽ താലൂക്ക് ആശുപത്രി മോർച്ചറിയിൽ. സെക്യൂരിറ്റി ജീവനക്കാരനെ പോലീസ് കസ്റ്റഡിയിൽ എടുത്തിട്ടുണ്ട്. സുധീഷിന്റെ മൃതദേഹം കടയ്‌ക്കൽ താലൂക്ക് ആശുപത്രിയിലാണ് ഉള്ളത്.
