മായാദത്തിൻ്റെ കഥാസമാഹാരം ഇന്ന് തിരുവനന്തപുരത്ത് പ്രകാശനം ചെയ്യും

മുംബൈ : മുംബൈയിലെ അറിയപ്പെടുന്ന എഴുത്തുകാരി മായാദത്തിൻ്റെ കഥാസമാഹാരം
‘കാവ ചായയും അരിമണികളും ‘ ഇന്ന് (മാർച്ച് 8 )തിരുവനന്തപുരം പ്രസ്സ് ക്ലബ്ബിൽ വെച്ച് പ്രകാശനം ചെയ്യും.
വൈകുന്നേരം 5 മണിക്ക് എഴുത്തുകാരി എസ് .സരോജം അധ്യക്ഷത വഹിക്കുന്ന ചടങ്ങിൽ പ്രമുഖ കഥാകൃത്ത് വിനു എബ്രഹാം ,ജയ ജി നായർക്ക് പുസ്‌തകം നൽകികൊണ്ട് കഥാസമാഹാരത്തിൻ്റെ പ്രകാശനം നിർവ്വഹിക്കും.ഡോ. മായാ ഗോപിനാഥ് ,അഡ്വ.എ .നസീറ എന്നിവർ ആശംസകൾ അർപ്പിച്ചുകൊണ്ട് സംസാരിക്കും .പരിപാടിയിലേക്ക് എല്ലാവരേയും സ്വാഗതം ചെയ്യുന്നതായി മായാദത്ത് അറിയിച്ചു.
പരിധി പബ്ലിക്കേഷൻസ് ആണ് പുസ്‌തകം പ്രസിദ്ധീകരിച്ചിരിക്കുന്നത്.
കണ്ണൂർ , തളിപ്പറമ്പ് സ്വദേശിയായ മായാദത്ത് 26 വർഷങ്ങളായി മുംബൈയിലെ ഭാഭാ ആറ്റോമിക് റിസേർച്ച് സെൻ്റർ (BARC) ൽ ജോലി ചെയ്യുന്നു. താമസം BARC റസിഡൻഷ്യൽ കോളനിയായ അണുശക്തിനഗറിൽ.