കന്നുകാലികളെ കുത്തിനിറച്ച് കൊണ്ടുപോകുന്ന ക്രൂരതയ്‌ക്കെതിരെ കോടതി
ചെന്നൈ : കാലികളെ കണ്ടെയ്നറുകളിൽ കൊണ്ടുപോകുന്നതിൽ മാര്‍ഗരേഖ നിർദ്ദേശിച്ച്‌ മദ്രാസ് ഹൈക്കോടതി. കന്നുകാലികളെ കുത്തിനിറച്ച് കൊണ്ടുപോകുന്ന ക്രൂരമായ രീതിത് അംഗീകരിക്കാനാകില്ലെന്ന് കോടതി പറഞ്ഞു.. കാലികൾക്ക് കണ്ടെയിനറുകളിൽ കിടക്കാൻ മതിയായ സ്ഥലം നൽകണം.ഉണർന്നിരിക്കാൻ കണ്ണിൽ മുളക് തേയ്ക്കുന്നത് ക്രൂരമാണെന്നും കോടതി വ്യക്തമാക്കി.
കാലികളെ കയറ്റും മുൻപ് വാഹനം വൃത്തിയാക്കണം. യാത്രയ്ക്ക് മുൻപ് പരിശോധന നടത്തി ഫിറ്റ്നസ് സർട്ടിഫിക്കേറ്റ് നൽകണം. യാത്രയിലുടനീളം ആവശ്യത്തിന് വെള്ളവും ഭക്ഷണവും നൽകണം.
കേരളത്തിലേക്ക് രണ്ട് ലോറികളിൽ 98 കാലികളെ കൊണ്ടുവന്നതിനെതിരെ ചുമത്തിയ കേസ് റദ്ദാക്കണമെന്നാവശ്യപ്പെട്ട് മൂന്ന് ഏജന്‍റുമാര്‍ നൽകിയ ഹര്‍ജിയിലാണ് ഹൈക്കോടതിയുടെ നിര്‍ണായക ഉത്തരവ് .
