RSSമേധാവി മോഹൻ ഭാഗവത് നാളെ കേരളത്തിലേക്ക്
കൊച്ചി: ആർ‌എസ്‌എസ് മേധാവി ഡോ. മോഹൻ ഭാഗവത് നാളെ കേരളത്തിലെത്തും. സംഘടനാ പ്രവര്‍ത്തനങ്ങളുടെ ഭാഗമായി ജനുവരി 16 മുതല്‍ 21 വരെയാണ് ഭാഗവത് കേരളത്തില്‍ ഉണ്ടാകുക.
ആർ‌എസ്‌എസ് പ്രവർത്തകരുമായി വിവിധ യോഗങ്ങളിൽ ഡോ. ഭാഗവത് പങ്കെടുക്കുമെന്ന് സംഘടന ബുധനാഴ്‌ച പുറത്തിറക്കിയ പത്ര പ്രസ്‌താവനയില്‍ വ്യക്തമാക്കുന്നു.
ആർ‌എസ്‌എസ് ശതാബ്‌ദി ആഘോഷങ്ങളുടെ മുന്നോടിയായി ജനുവരി 17 ന് എറണാകുളം ജില്ലയിലെ കോലഞ്ചേരിയിലുള്ള പരമഭട്ടാര കേന്ദ്ര വിദ്യാലയത്തിൽ വിദ്യാർഥി പ്രവർത്തകരുടെ സമ്മേളനത്തിലും ആര്‍എസ്‌എസ് തലവൻ പങ്കെടുക്കും.
