ഹരിവരാസനം പുരസ്‌കാരം കൈതപ്രത്തിന് ജനുവരി 14ന് സമ്മാനിക്കും:
പത്തനംതിട്ട : മകരസംക്രമ ദിനമായ 2025 ജനുവരി 14ന് ശബരിമല സന്നിധാനത്തെ ശാസ്‌താ ഓഡിറ്റോറിയത്തിൽ വച്ച് ഇത്തവണത്തെ ഹരിവരാസനം പുരസ്‌കാരം സമ്മാനിക്കുമെന്ന് തിരുവിതാംകൂർ ദേവസ്വം ബോർഡ് പ്രസിഡന്‍റ് പിഎസ് പ്രശാന്ത് അറിയിച്ചു. സാഹിത്യകാരനും സംഗീതജ്ഞനും നടനുമായ കൈതപ്രം ദാമോദരൻ നമ്പൂതിരിയാണ് ഇത്തവണത്തെ ഹരിവരാസനം പുരസ്‌കാര ജേതാവ്. തുറമുഖ സഹകരണ ദേവസ്വം വകുപ്പ് മന്ത്രി വിഎൻ വാസവൻ പുരസ്‌കാരം നൽകും. തമിഴ്‌നാട് ദേവസ്വം മന്ത്രി ശേഖർ ബാബു മുഖ്യാതിഥി ആയിരിക്കും.തിരുവിതാംകൂർ ദേവസ്വം ബോർഡ് പ്രസിഡന്‍റ് പി എസ് പ്രശാന്ത്, എംഎൽഎ മാരായ അഡ്വ. പ്രമോദ് നാരായണൻ, അഡ്വ കെ യു ജനീഷ്‌കുമാർ, ദേവസ്വം ബോർഡ് അംഗങ്ങളായ അഡ്വ എ അജികുമാർ, ജി സുന്ദരേശൻ, ദേവസ്വം ഉദ്യോഗസ്ഥർ എന്നിവർ ചടങ്ങിൽ പങ്കെടുക്കും.
