കള്ള് ഷാപ്പ് ജീവനക്കാരനെ ആക്രമിച്ച് പരിക്കേൽപ്പിച്ച യുവാവ് അറസ്റ്റിൽ

ആലപ്പുഴ : വീയപുരത്ത് കള്ള് ഷാപ്പ് ജീവനക്കാരനെ ക്രൂരമായി ആക്രമിച്ച് പരിക്കേൽപ്പിച്ച യുവാവ് അറസ്റ്റിലായി .വീയപുരം കപ്പത്തറ കള്ള് ഷാപ്പിൽ പണം നൽകാതെ മദ്യം കൊടുക്കില്ല എന്ന് പറഞ്ഞ ഷാപ്പ് ജീവനക്കാരനായ അനീഷിനെ കുത്തി പരിക്കേൽപ്പിച്ചു. തടയുവാൻ ചെന്ന സമീപവാസിയായ വിശ്വനെ വെട്ടുകത്തി കൊണ്ട് തലക്ക് വെട്ടി മാരകമായി പരിക്കേൽപ്പിക്കുകയും ചെയ്ത കേസിലെ പ്രതിയാണ് അറസ്റ്റിലായത്.

വീയപുരം തുലാംപറമ്പ് വടക്ക് തൃപ്പക്കുടം ക്ഷേത്രത്തിന് സമീപം കോന്തിനേഴത്ത് വീട്ടിൽ അപ്പുണ്ണി എന്ന് വിളിക്കുന്ന രഞ്ജിത്ത് 36 നെയാണ് വീയപുരം പോലീസ് പിടികൂടിയത്. വീയപുരം എസ്.എച്ച്.ഒ ഷെഫീക്ക്, സി.പി.ഒ മാരായ അനീഷ് അനിരുദ്ധൻ, രഞ്ജിത്ത്, രതീഷ് ബാബു എന്നിവരടങ്ങിയ പോലീസ് സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു.