സംശയ രോഗം :ഗര്‍ഭിണിയായ ഭാര്യയെ ശ്വാസം മുട്ടിച്ച് കൊന്നു
ഹൈദരാബാദ്: ചാരിത്ര്യ ശുദ്ധിയില്‍ സംശയിച്ച് യുവാവ് ഭാര്യയെ കൊലപ്പെടുത്തി. ഉറങ്ങിക്കിടന്ന ഭാര്യയെ തലയിണ ഉപയോഗിച്ച് ശ്വാസം മുട്ടിച്ചാണ് കൊന്നത്. 21 കാരിയായ യുവതി ഏഴ് മാസം ഗര്‍ഭിണി ആയിരുന്നു. കൊലപാതകത്തിനിടെ ഗര്‍ഭപാത്രത്തില്‍ നിന്ന് ഭ്രൂണം പുറത്തുവന്നിരുന്നു. ഹൈദരാബാദിലാണ് മനുഷ്യ മനഃസാക്ഷിയെ നടുക്കിയെ ഈ കൊലപാതകം നടന്നത്.
കൊലപാതകത്തിനുശേഷം തീപിടിച്ച് ഉണ്ടായ മരണമാണെന്ന് വരുത്തിത്തീര്‍ക്കാന്‍ യുവാവ് പാചക വാതക സിലിണ്ടര്‍ തുറന്ന് വച്ച ശേഷം വീടിന് തീകൊളുത്തി. എന്നാൽ മരിച്ച യുവതിയുടെ അമ്മയുടെ പരാതിയില്‍ പൊലീസ് കേസെടുത്ത് അന്വേഷിക്കുകയായിരുന്നു. അന്വേഷണത്തിനിടെ ഇന്നലെ പ്രതിയെ പൊലീസ് അറസ്‌റ്റ് ചെയ്‌തതായി കുഷെയ്‌ഗുഡ പൊലീസ് സ്‌റ്റേഷനിലെ ഒരു ഉദ്യോഗസ്ഥന്‍ പറഞ്ഞു.
