സന്ദീപ് വാര്യർ ഇനി കോൺഗ്രസ്സിന്റെ ഔദ്യോഗിക വക്താവ്
തിരുവനന്തപുരം: ചാനൽ ചർച്ചകളിൽ കോൺഗ്രസ്സിനുവേണ്ടി ഇനി ഔദ്യോഗികമായി സംസാരിക്കുന്നത് ബിജെപി വിട്ട് കോൺഗ്രസിൽ ചേർന്ന സന്ദീപ് വാര്യർ കൂടിആയിരിക്കും.. കോൺഗ്രസ് വക്താക്കളുടെ പട്ടികയിൽ സന്ദീപ് വാര്യരേയും ഉൾപ്പെടുത്തിക്കൊണ്ട് പാർട്ടി സംസ്ഥാന അധ്യക്ഷൻ കെ സുധാകരൻ തീരുമാനമെടുത്തതായി പാർട്ടി ജനറൽ സെക്രട്ടറി എം ലിജു നേതാക്കൾക്ക് കത്തയച്ചു. .അഡ്വ ദീപ്തി മേരി വർഗീസിനാണ് കെപിസിസി മീഡിയ വിഭാഗത്തിന്റെ ചുമതല.
അതേസമയം പാർട്ടി പുനഃസംഘടനയിൽ സന്ദീപ് വാര്യർക്ക് കൂടുതൽ പദവിയും പാർട്ടി നേതൃത്വം ഉറപ്പുനൽകിയിട്ടുണ്ടെന്നാണ് വിവരം.
