പ്രമുഖ മാധ്യമ പ്രവർത്തകൻ Dr.ഭാസ്‌കർ ദാസ് അന്തരിച്ചു.
മുംബൈ:പ്രമുഖ മാധ്യമ പ്രവർത്തകനും ഇന്ത്യൻ മാധ്യമ വ്യവസായത്തിലെ അതികായനുമായ ഭാസ്‌കർ ദാസ് (72 ) അന്തരിച്ചു. അർബുദരോഗവുമായുള്ള നീണ്ട പോരാട്ടത്തിന് ശേഷമാണ് അദ്ദേഹം ബ്രീച്ച് കാൻഡി ആശുപത്രിയിൽ മരണപ്പെടുന്നത്.. ഡോ. ദാസിൻ്റെ വിയോഗം ഇന്ത്യയിലെ മാധ്യമ, പരസ്യ വ്യവസായത്തിലെ ഒരു യുഗത്തിൻ്റെ അന്ത്യം കുറിക്കുന്നു, നാല് പതിറ്റാണ്ടുകളായി ഈ മേഖലയിൽ പ്രവർത്തിച്ച അദ്ദേഹം ‘ടൈംസ് ഓഫ് ഇന്ത്യ’യുടെ മാതൃ കമ്പനിയായ ബെന്നറ്റ്,കോൾമാൻ ആൻഡ് കമ്പനി ലിമിറ്റഡിൻ്റെ (ബിസിസിഎൽ) മുൻ പ്രസിഡൻ്റുആയിരുന്നു.മാനേജുമെന്റ് ട്രെയിനിയായി കമ്പനിയിലെത്തിയ ഡോ. ദാസ് മൂന്ന് പതിറ്റാണ്ടിലേറെ അതിൻ്റെ പരിവർത്തനത്തിലും വളർച്ചയിലും നിർണായക പങ്ക് വഹിച്ചു. 2012ൽ സംഘടന വിട്ട അദ്ദേഹം ബിസിസിഎൽ പ്രസിഡൻ്റും ബോർഡ് അംഗവുമായിരുന്നു. പ്രസിഡൻ്റായിരുന്ന ആറ് വർഷത്തെ ഭരണകാലത്ത് ബിസിസിഎല്ലിൻ്റെ വിറ്റുവരവ് 1560 കോടി രൂപയിൽ നിന്ന് 4200 കോടി രൂപയായി അദ്ദേഹംവളർത്തി .
2005-ൽ, മുംബൈ പത്ര മാധ്യമരംഗത്ത് വളർന്നുവരുന്ന എതിരാളികൾക്കെതിരെ ടൈംസ് ഓഫ് ഇന്ത്യയെ ശക്തിപ്പെടുത്തുന്നതിനുള്ള തന്ത്രപരമായ നീക്കമായ ‘മുംബൈ മിറർ ‘ആരംഭിക്കുന്നതിൽ അദ്ദേഹം ഒരു പ്രധാന പങ്ക് വഹിച്ചു. ഹിന്ദുസ്ഥാൻ ടൈംസ്, ഡിഎൻഎ പോലുള്ള എതിരാളികൾക്കെതിരെ ശക്തമായി നിലകൊണ്ട ‘ മുംബൈ മിറർ ‘ നഗരത്തിൻ്റെ മാധ്യമ ഘടനയുടെ ഒരു പ്രധാന ഭാഗമായി മാറി.നൂതനമായ തന്ത്രങ്ങൾക്കും നേതൃത്വത്തിനും പേരുകേട്ട അദ്ദേഹം മാധ്യമരംഗത്ത് മായാത്ത മുദ്ര പതിപ്പിച്ചു. എണ്ണമറ്റ പ്രൊഫഷണലുകളെ പ്രചോദിപ്പിക്കുകയും മാധ്യമ വ്യവസായത്തിൻ്റെ പാത പുനർനിർമ്മിക്കുകയും ചെയ്തു.മൂന്ന് ഡോക്റ്ററേറ്റ്‌ അദ്ദേഹത്തിനുണ്ട് .
സീ മീഡിയ കോർപ്പറേഷൻ്റെ ഗ്രൂപ്പ് സിഇഒ, ഡിബി കോർപ്പറേഷൻ്റെ എക്സിക്യൂട്ടീവ് പ്രസിഡൻ്റ്, റിപ്പബ്ലിക് ടിവിയിൽ ഗ്രൂപ്പ് പ്രസിഡൻ്റും ചീഫ് സ്ട്രാറ്റജി ഓഫീസറും ആയിരുന്നു.MICA, IdeateLabs എന്നിവയിൽ ഉപദേശകനായും അദ്ദേഹം ഉണ്ടായിരുന്നു.
നടിയും സംവിധായികയുമായ ഷോമ ശുക്ളദാസാണ് ഭാര്യ.ഏകമകൻ ഉദിത് വനു ദാസ് .
