വിനോദയാത്ര ബസ് മറിഞ്ഞു : 20 വിദ്യാർത്ഥികൾക്ക് പരിക്ക്
കോട്ടയം : രാമപുരത്ത് വിദ്യാർത്ഥികൾ സഞ്ചരിച്ച വിനോദയാത്ര ബസ്മറിഞ്ഞ് 20 വിദ്യാർത്ഥികൾക്ക് പരുക്ക്. തിരുവനന്തപുരം തോന്നയ്ക്കൽ ഗവൺമെന്റ് ഹയർ സെക്കൻഡറി സ്കൂളിലെ വിദ്യാർഥികളാണ് അപകടത്തിൽപ്പെട്ടത്. നിയന്ത്രണം വിട്ട ബസ് ഒരു വശത്തേക്ക് മറയുകയായിരുന്നു എന്ന് പ്രദേശവാസികൾ പറഞ്ഞു. കോട്ടയം തൊടുപുഴ നെല്ലാപ്പാറ ചൂരപ്പട്ട വളവിൽ രാത്രിയായിരുന്നു അപകടം. 42 വിദ്യാർത്ഥികളും 4 അധ്യാപകരുമാണ് ബസ്സിൽ ഉണ്ടായിരുന്നത്. പരിക്കേറ്റവരെ പാലയിലെ വിവിധ ആശുപത്രികളിൽ പ്രവേശിപ്പിച്ചു.
