DCC ട്രഷറർ NMവിജയൻറെ ആത്മഹത്യ: “കുടുംബത്തിന്റെ പരാതി ന്യായം “-KPCC
തിരുവനന്തപുരം :ഡിസിസി ട്രഷറർ എൻ എം വിജയൻറെ ആത്മഹത്യയുമായി ബന്ധപ്പെട്ടുള്ള അന്യേഷണത്തിനായി നിയോഗിച്ച നാലംഗ സമിതിയുടെ റിപ്പോർട്ട് കെപിസിസിക്ക് സമർപ്പിച്ചു .തിരുവഞ്ചൂർ രാധാകൃഷ്ണന്റെ നേതൃത്തത്തിലുള്ള സമിതി സമർപ്പിച്ച റിപ്പോർട്ടിൽ എൻ എം വിജയൻറെ കുടുംബം ഉന്നയിച്ച പരാതി ന്യായമാണെന്ന് കണ്ടെത്തി.സഹകരണ സ്ഥാപനങ്ങളിലെ നിയമനങ്ങളിൽ
പാർട്ടിക്ക് കടിഞ്ഞാൺ വേണമെന്നും ,കുടുംബത്തിനുവേണ്ട സഹായവും സംരക്ഷണവും പാർട്ടി ഉറപ്പാക്കണം എന്നും റിപ്പോർട്ടിലുണ്ട് .
അതിനിടയിൽ എൻ എം വിജയൻറെ ആത്മഹത്യയുമായി ബന്ധപ്പെട്ട കേസിൽ ഐസി ബാലകൃഷ്ണൻ എംഎൽഎയുടെ അറസ്റ്റ് ഇന്ന് രേഖപ്പെടുത്തും . ചോദ്യം ചെയ്യൽ നടപടികൾ പൂർത്തിയായ സാഹചര്യത്തിലാണ് അറസ്റ്റ് രേഖപ്പെടുത്തുക. ആത്മഹത്യ പ്രേരണ കുറ്റമാണ് ഐസി ബാലകൃഷ്ണനെതിരെ ചുമത്തിയിരിക്കുന്നത്.
ഇന്നലെ എംഎൽഎയുടെ വസതിയിൽ പോലീസ് പരിശോധന നടത്തിയിരുന്നു . കൽപ്പറ്റ സെഷൻസ് കോടതി മുൻകൂർ ജാമ്യം അനുവദിച്ച സാഹചര്യത്തിൽ അറസ്റ്റ് രേഖപ്പെടുത്തി വിട്ടയക്കുകയാകും ഉണ്ടാവുക. നേരത്തെ ഡിസിസി പ്രസിഡണ്ട് എൻഡി അപ്പച്ചൻ , മുൻ കോൺഗ്രസ് നേതാവ് കെ കെ ഗോപിനാഥൻ എന്നിവരുടെ അറസ്റ്റ് രേഖപ്പെടുത്തിയിരുന്നു.
കേസിൽ ഐ.സി. ബാലകൃഷ്ണൻ, എൻ.ഡി. അപ്പച്ചൻ, ഡിസിസി മുൻ ട്രഷറർ കെ.കെ. ഗോപിനാഥ്, തുടങ്ങിയവരെ പ്രതികളാക്കിയാണ് പൊലീസ് കേസെടുത്തിരിക്കുന്നത് കെപിസിസി പ്രസിഡന്റിന് നൽകാൻ വിജയൻ എഴുതിയ കത്തിൽ ഇവരുടെ പേരുകൾ പരാമർശിച്ചിരുന്നുവെന്നാണ് പറയുന്നത്. പൊലീസ് അന്വേഷണത്തിൽ ലഭിച്ച മൊഴികളും നേതാക്കളെ പ്രതിചേർക്കുന്നതിലേക്ക് നയിച്ചതായാണ് വിവരം.
അതേസമയം ഇക്കഴിഞ്ഞ ദിവസമാണ് വയനാട് ഡിസിസി ട്രഷറർ എൻ എം വിജയൻ്റെയും മകന്റെയും ആത്മഹത്യാ കേസിൽ ഐസി ബാലകൃഷ്ണൻ, എൻ ഡി അപ്പച്ചൻ, കെ കെ ഗോപിനാഥൻ എന്നിവർക്ക് ജാമ്യം ലഭിച്ചത്. കൽപ്പറ്റ ചീഫ് പ്രിൻസിപ്പൽ സെഷൻസ് കോടതിയാണ് മുൻകൂർ ജാമ്യം നൽകിയത്. അന്വേഷണ ഉദ്യോഗസ്ഥർ ആവശ്യപ്പെടുമ്പോൾ പ്രതികൾ ഹാജരാകണമെന്ന വ്യവസ്ഥയോടെയായിരുന്നു കോടതി ജാമ്യം നൽകിയത്.
