അനിതാ വധക്കേസ് ഒന്നാംപ്രതിയെ മരണം വരെ തൂക്കിലേറ്റാൻ കോടതി വിധിച്ചു
1. പ്രബീഷ് 2. കേസ് അന്വേഷിച്ച ഉദ്യോഗസ്ഥൻ നെടുമുടി പോലീസ് സ്റ്റേഷൻ ഇൻസ്പെക്ടർ ആയിരുന്ന എ വി ബിജു 3.കേസ് അന്വേഷിച്ച റിട്ടയേഡ് എസ് ഐ ടി വി കുര്യൻ
ആലപ്പുഴ : വിവാഹിതയും രണ്ടു കുട്ടികളുടെ മാതാവുമായ പുന്നപ്ര തെക്കേമഠം വീട്ടിൽ ശശിധരൻറ മകളായ 32 വയസ്സുള്ള അനിതയെ 09-07-2021 തീയതി കൊലപ്പെടുത്തിയ കേസിൽ ഒന്നാം പ്രതിയായ മലപ്പുറം ജില്ലയിൽ നിലമ്പൂർ മുനിസിപ്പാലിറ്റിയിൽ മുതുകോട് മുറി പൂക്കോടൻ വീട്ടിൽ 37 വയസ്സുള്ള പ്രബീഷിനെ മരണം വരെ തൂക്കിലേറ്റാൻ കോടതി വിധിച്ചു. പ്രതി വിവിധ വകുപ്പുകൾ പ്രകാരം രണ്ടര ലക്ഷം രൂപാ പിഴയായി അടക്കണം. ആലപ്പുഴ അഡീഷണൽ ജില്ലാ സെഷൻസ് കോടതി 3 ജഡ്ജി ഷുഹൈബ് എം ആണ് വിധി പ്രസ്താവിച്ചത്. ഈ കേസ്സിൻ്റെ അന്വേഷണ ഉദ്യോഗസ്ഥൻമാരായ നെടുമുടി പോലീസ് സ്റ്റേഷൻ ഇൻസ്പെക്ടർ ആയിരുന്ന എ വി ബിജു, റിട്ടയേഡ് എസ് ഐ ടി വി കുര്യൻ എന്നിവർ വിധി കേൾക്കാൻ കോടതിയിൽ ഹാജരായിരുന്നു. അന്വേഷണത്തിന് സഹായികൾ ആയ ഉദ്യോഗസ്ഥൻമാർ എസ് ഐ മാരായ പ്രിൻസ്, ഷിബു, എഎസ്ഐ മാരായ അജീഷ് , ജലജകുമാരി , സീനിയർ സിപിഓ സുജിമോൻ എന്നിവരാണ്.
വിചാരണ ഏകോപിപിച്ചത് പ്രോസിക്യൂഷൻ ലെയ്സൺ സിപിഓ അമൽ സി , നെടുമുടി പോലീസ് സ്റ്റേഷൻ സി പി ഓ സുബീഷ് എന്നിവരാണ്. പ്രോസികൃൂഷന് വേണ്ടി അഡീഷണൽ ഗവൺമെൻറ് പ്ലീഡർ & പബ്ലിക് പ്രോസിക്യൂട്ടർ എൻ ബി ശാരി ഹാജരായി. വിധി കേട്ട ഒന്നാം പ്രതി കണ്ണൂർ സെൻട്രൽ ജയിലിൽ ശിക്ഷ അനുഭവിക്കുന്നതിനായി കോടതി സഹായിക്കണം എന്ന് ആവശ്യപ്പെട്ടു. കോടതിയിൽ കൊല്ലപ്പെട്ട അനിതയുടെ പിതാവും ബന്ധുക്കളും ഹാജരായിരുന്നു. രണ്ടാം പ്രതിയായ കൈനകരി പഞ്ചായത്ത് 10 -ാം വാർഡിൽതോട്ടു വാത്തല പടിഞ്ഞാറ് പതിശ്ശേരി വീട്ടിൽ മീനാക്ഷി മകൾ 38 വയസ്സുള്ള രജനി രജനിയെ എൻഡിപിഎസ് കേസ്സിൽ ഒഡീഷ പോലീസ് അറസ്റ്റ് ചെയ്തു റായ ഘട്ട് ജയിലിൽ റിമാൻഡിൽ ആയതിനാൽ ശിക്ഷ നവംബർ 29ന് വിധിക്കുന്നതാണ്.
