കായംകുളത്ത് ഉത്സവ കെട്ടുകാഴ്ചയ്ക്കുള്ള സാധനങ്ങൾക്കും, വാഹനത്തിനും തീപിടിച്ചു
ആലപ്പുഴ : കായംകുളത്ത് ഉത്സവ കെട്ടുകാഴ്ചയ്ക്കുള്ള സാധനങ്ങൾക്കും, വാഹനത്തിനും തീപിടിച്ചു. വൈദ്യുതി ലൈനിൽ തട്ടിയാണ് തീപിടിച്ചത്. കായംകുളം ചാരുംമൂട് കരിമുളയ്ക്കൽ തുരുത്തിയിൽ ക്ഷേത്രത്തിന് സമീപം വാഹനത്തിൽ കൊണ്ടുപോകുകയായിരുന്ന നന്ദികേശ കെട്ടുത്സവ കാളയ്ക്ക് തീപിടിച്ചു. തീയണയ്ക്കാൻ ശ്രമം നടത്തിയെങ്കിലും പരാജയപ്പെട്ടുവെന്ന് വാഹനത്തിൽ ഉണ്ടായിരുന്നവര്‍ പറഞ്ഞു. വെള്ളം ഒഴിക്കുമ്പോൾ തീ ആളിക്കത്തുകയായിരുന്നു. ആനയ്ക്കുള്ള നെറ്റിപ്പട്ടവും മറ്റ് ചില സാധനങ്ങളും മാത്രമാണ് മാറ്റാൻ സാധിച്ചത്. തീയണയ്ക്കാൻ സാധിക്കാതെ വന്നതോടെ ഫര്‍ഫോഴ്സിനെ കാത്തിരിക്കുകയായിരുന്നു എന്നും നാട്ടുകാര്‍ പറഞ്ഞു.
