ഉത്സവം കണ്ട് മടങ്ങുന്നതിനിടെ കോട്ടയത്ത് ട്രെയിൻ തട്ടി രണ്ടു യുവാക്കള്‍ മരിച്ചു
കോട്ടയം: രണ്ടു യുവാക്കള്‍ ട്രെയിൻ തട്ടി മരിച്ചു. കോട്ടയം വെള്ളൂരിലാണ് സംഭവം. വെള്ളൂർ മൂത്തേടത്ത് വൈഷ്ണവ് മോഹനൻ (21), ഇടയ്ക്കാട്ടുവയല്‍ കോട്ടപ്പുറം മൂലേടത്ത് ജിഷ്ണു വേണുഗോപാല്‍ (21) എന്നിവരാണ് മരിച്ചത്. വെളളൂർ ശ്രാങ്കുഴി ഭാഗത്ത് ഇന്നു പുലർച്ചെ മൂന്നു മണിയോടെ ആണ്‌ അപകടം. വടയാർ ആറ്റുവേല ഉത്സവം കണ്ട് മടങ്ങും വഴി എതിരെ ട്രെയിൻ വരുന്നത് കണ്ട് തൊട്ടടുത്ത ട്രാക്കിലേക്കു മാറിയപ്പോള്‍ പിന്നില്‍ നിന്നും വന്ന ട്രെയിൻ ഇടിച്ചാണ് അപകടമെന്നു പറയുന്നു.മംഗളം കോളജി‌ലെ ബിബിഎ വിദ്യാർഥികളാണ് ഇരുവരും.
