കെഎസ്ഇബി ശമ്പളം മുടങ്ങില്ല; 767.71 കോടി അനുവദിച്ചു
കെഎസ്ഇബിക്ക് ആശ്വാസം,767.71 കോടി രൂപ അനുവദിച്ചു. ഇതോടെ വൈദ്യുതി നിയന്ത്രണവും ഒഴിവാക്കി. 2022-23 ലെ നഷ്ടത്തിന്റെ 75 ശതമാനമാണ് സർക്കാർ അനുവദിച്ചിരിക്കുന്നത്.സർക്കാരിൻ്റെ അധിക കടമെടുപ്പിനായിട്ടാണ് കെഎസ്ഇബിയുടെ നഷ്ടം ഏറ്റെടുത്തത്. പുറത്ത് നിന്ന് വൈദ്യുതി വാങ്ങാൻ പോലും സാധിക്കാതെ സാമ്പത്തിക പ്രതിസന്ധിയിലായ കെഎസ്ഇബിക്ക്ക്ക് ഈ തുക ആശ്വാസമാകും. 500 കോടി രൂപ കടമെടുക്കാനുള്ള കെഎസ്ഇബിയുടെ ആവശ്യം സർക്കാരിൻ്റെ പരിഗണനയിലാണ്.
