നൂറനാട് ബിവറേജ് ഔട്ട്ലെറ്റ് മോഷണം രണ്ട് പ്രതികൾ പിടിയിൽ
ആലപ്പുഴ : നൂറനാട് പടനിലത്ത് പ്രവർത്തിക്കുന്ന ബിവറേജ് ഔട്ട്‌ലെറ്റിൽ നിന്നും 23-11-2025 തീയതി മദ്യക്കുപ്പികൾ മോഷ്ടിച്ച യുവാക്കളാണ് പിടിയിലായത്. 23-11-2025 തീയതി വൈകിട്ട് 8 മണിക്ക് ശേഷം ബിവറേജ് ഔട്ട്‌ലെറ്റി പ്രീമിയം കൗണ്ടറിൽ എത്തി മദ്യം വാങ്ങാൻ വന്ന യുവാക്കൾ ഒരു കുപ്പി ബിയർ വാങ്ങി ഗൂഗിൾ പേ വഴി പണം അടച്ചത് ശേഷം തിരികെ പോകുമ്പോൾ ജീവനക്കാർ കാണാതെ മദ്യക്കുപ്പി പ്രതികൾ കൈക്കലാക്കി കടന്നു കളയുക ആയിരുന്നു. 24-11-2025 തീയതി ഔട്ട്‌ലെറ്റിൻ്റെ സ്റ്റോക്ക് പരിശോധിച്ചപ്പോൾ ആണ് വിലകൂടിയ ഒരു മദ്യക്കുപ്പിയുടെ കുറവ് കണ്ടത്. സ്റ്റോക്ക് ഇൻചാർജ് ഔട്ട്‌ലെറ്റിൻ്റെ സിസിടിവി ദൃശ്യങ്ങൾ പരിശോധിച്ചപ്പോളാണ് മദ്യക്കുപ്പി മോഷണം പോയതായി ശ്രദ്ധയിൽ പെട്ടത് .
തുടർന്ന് സ്റ്റോക്ക് ഇൻചാർജ് ഹാഷിക് നൂറനാട് പോലീസ് സ്റ്റേഷനിൽ പരാതി നൽകുകയും സ്റ്റേഷൻ സബ് ഇൻസ്പെക്ടർ ശ്രീജിത്ത് സി വി കേസ് രജിസ്റ്റർ അന്വേഷണം നടത്തി വരുകയും ആയിരുന്നു. തുടർന്ന് ജില്ലാ പോലീസ് മേധാവി എം പി മോഹനചന്ദ്രൻ ഐപിഎസിൻ്റെ നിർദ്ദേശപ്രകാരം ചെങ്ങന്നൂർ ഡിവൈഎസ്പി എം കെ ബിനു കുമാറിൻ്റെ നേതൃത്വത്തിൽ പ്രത്യേക അന്വേഷണ സംഘം ആണ് പ്രതികളെ പിടികൂടിയത്. സിസിടിവി ദൃശ്യങ്ങൾ ശേഖരിച്ച് നൂതന സാങ്കേതിക സംവിധാനങ്ങൾ ഉപയോഗിച്ച് സംശയങ്ങൾ ഉള്ള യുവാക്കളെ കേന്ദ്രീകരിച്ച് നടത്തിയ അന്വേഷണത്തിലാണ് നൂറനാട് പാറ്റൂർ കിച്ചു എന്ന് വിളിക്കുന്ന ഭരത്, കൃഷ്ണഭവനത്തിൽ കണ്ണൻ എന്ന് വിളിക്കുന്ന കൃഷ്ണപ്രിയേഷ് എന്നിവർ അറസ്റ്റിൽ ആയത്. എസ് ഐ ശ്രീജിത്ത്, സീനിയർ സി പി ഓ മാരായ പ്രതാപ് ചന്ദ്രൻ, കണ്ണൻ, ശരത് , സി പി ഓ കലേഷ് എന്നിവർ അടങ്ങിയ സംഘം ആണ് പ്രതികളെ പിടികൂടിയത്.
