യുവാവിനെ കൊലപ്പെടുത്തിയ കേസ്സിൽ ഒന്നാം പ്രതി ജീവപര്യന്തം ക്ക് കഠിന തടവും പിഴയും
ആലപ്പുഴ : നോർത്ത് പോലീസ് സബ്ബ് ഇൻസപെക്ടർ ആയിരുന്ന മോഹൻദാസ് KS രജിസ്റ്റർ ചെയ്ത കേസ്സിൽ ആലപ്പുഴ അഡീഷണൽ ജില്ലാ സെഷൻസ് കോതി 3 ജഡ്ജി ശ്രീ ഷുഹൈബ് M ആണ് വിധി പ്രസ്താവിച്ചത്. 11/07/2010 വൈകി 7.15 മണിക്ക് കൂട്ടുകാരൻ ജോസ് ആൻ്റണി യോടൊപ്പം ആലപ്പുഴ St: മേരീസ് സ്കൂളിന് വടക്ക് വശം കലിങ്കിൽ ഇരിക്കുകയായിരുന്ന ആലപ്പുഴ കനാൽ വാർഡിൽ ചക്കംപറമ്പ് വീട്ടിൽ ഇർഷാദ് Age 19 നെ യും മുൻ വൈരാഗ്യത്തിൻറെ പേരിൽ പ്രതികൾ മാരകായുധങ്ങളുമായി സംഘം ചേർന്ന് ആക്രമിക്കുകയായിരുന്നു. നെഞ്ചിൽ ഗുരുതരമായി കുത്തേറ്റ ഇർഷാദ് ആശുപത്രിയിൽ വച്ച മരണപ്പെട്ടു. കൂടെ പരിക്കേറ്റ ജോസ് ആൻ്റണിയുടെ മൊഴിയാണ് കേസ്സിൽ വഴിത്തിരിവായത്. +2 കഴിഞ്ഞ് വെൽഡിങ് ജോലി ക്ക് പോകുകയായിരുന്നു കൊല്ലപ്പെട്ട ഇർഷാദ്.
ഏഴ് പ്രതികൾ ഉണ്ടായിരുന്ന കേസ്സിൽ 5പ്രതികൾ മൈനർമാരായതിനാൽ ചേർത്തല ജുവൈനൽ ജസ്റ്റീസ് കോടതിയിൽ പ്രതികളുടെ വിചാരണാ നടപടികൾ നടക്കും. ഈ കേസ്സിൽ 4-ാം പ്രതിയായ മുജീബ് കബയെ കുറ്റക്കാരൻ അല്ലാ എന്ന് കണ്ടെത്തി വെറുതെവിട്ടു. ശിക്ഷിക്കപ്പെട്ട ഒന്നാം പ്രതി സനാതനം വാർഡിൽ വെളിം പറമ്പ് 35 വയസ്സുള്ള മാഹിനെ ജയിലിലേക്ക് അയച്ചു. കേസ്സിൽ പ്രോസിക്യൂഷന് വേണ്ടി അഡീഷണൽ ഗവ: പ്ലീഡർ & പബ്ലിക് പ്രോസിക്യൂട്ടർ ശാരി NB ഹാജരായിരുന്നു. സീനിയർ സിവിൽ പോലീസ് ഓഫീസർ KJ ജോർജ് ,സിവിൽ പോലീസ് ഓഫീസർ അമൽ C എന്നിവർ വിചാരണനടപടികൾ ഏകോപിപ്പിച്ചു. അന്വേഷണം പൂർത്തിയാക്കി പ്രതികൾക്കെതിരെ കുറ്റപത്രം ഹാജരാക്കിയത് നോർത്ത് പോലീസ് സ്റ്റേഷൻ ISHO ആയിരുന്ന ഇൻസ്പെക്ടർ KA തോമസായിരുന്നു.
