നിരവധി ക്രിമിനൽ കേസുകളിലെ പ്രതിയെ കാപ്പ നിയമപ്രകാരം ജയിലിൽ അടച്ചു.
ആലപ്പുഴ : പട്ടണക്കാട് പോലീസ് സ്റ്റേഷൻ പരിധിയിൽ താമസിച്ചു വരുന്നതും നിരവധി ക്രിമിനൽ കേസുകളിൽ ഉൾപ്പെട്ടിട്ടുള്ളതുമായ സന്ദീപ് വയസ്സ് 27, ഉമാപറമ്പ് തൈക്കൽ പി.ഓ കടക്കരപ്പള്ളി പഞ്ചായത്ത് വാർഡ് 11 എന്ന യാളെ കാപ്പ നിയമ പ്രകാരം ബഹുമാനപ്പെട്ട ആലപ്പുഴ ജില്ലാ കളക്ടർ ഉത്തരവ് പുറപ്പെടുവിച്ചതിൻ്റെ അടിസ്ഥാനത്തിൽ അറസ്റ്റ് ചെയ്ത് കരുതൽ തടങ്കലിലാക്കി . പട്ടണക്കാട് അർത്തുങ്കൽ എന്നീ പോലീസ് സ്റ്റേഷൻ പരിധികളിൽ നിരവഡി ക്രിമിനൽ കേസുകളിൽ പ്രതിയായ ഇയാൾ തൈക്കൽ സ്വദേശിയായ യുവാവിനെ ബിയർ കുപ്പി കൊണ്ട് തലയ്ക്കടിച്ച കേസിൽ പ്രതിയായതിനെ തുടർന്നാണ് പട്ടണക്കാട് പോലീസ് സ്റ്റേഷൻ ഇൻസ്പെക്ടർ ആലപ്പുഴ ജില്ലാ പോലീസ് മേധാവിക്ക് റിപ്പോർട്ട് നൽകിയത്.
ഈ റിപ്പോർട്ട് ജില്ലാ പോലീസ് മേധാവിയുടെ ശുപാർശ പ്രകാരം ആണ് ഇപ്പോഴുള്ള നടപടി. പ്രതി ഇതിനു മുമ്പ് 2022 ൽ ആറുമാസം കരുതൽ തടങ്കൽ ശിക്ഷ അനുഭവിച്ചിട്ടുള്ള ആളാണ്. ആലപ്പുഴ ജില്ലാ ജയിലിൽ ജൂഡീഷ്യൽ കസ്റ്റഡിയിൽ കഴിഞ്ഞു വരികയായിരുന്ന പ്രതിയെ പട്ടണക്കാട് പോലീസ് സ്റ്റേഷൻ സബ് ഇൻസ്പെക്ടർ ജേക്കബ് റെജി ജോസ്, കുഞ്ഞുമോൻ ടി.കെ സി.പി.ഒ മാരായ പ്രവീൺ. കെ.എസ്, വിശാന്തി മോൻ കെ.എസ്, എന്നിവർ ചേർന്നാണ് അറസ്റ്റ് ചെയ്ത് തിരുവനന്തപുരം സെൻട്രൽ ലേക്ക് മാറ്റിയത്. പട്ടണക്കാട് പോലീസ് സ്റ്റേഷൻ പരിധിയിൽ നിരന്തരം പ്രശ്നങ്ങൾ സൃഷ്ടിക്കുന്ന വർക്കെതിരെ സമാനമായ നടപടികൾ സ്വീകരിച്ചു വരികയാണെന്ന് ഇൻസ്പെക്ടർ എസ് എച്ച് ഓ കെ .എസ് ജയൻ അറിയിച്ചു.
