മറ്റൊരാളുമായി കാമുകിക്ക് ബന്ധം: യുവാവും സുഹൃത്തുക്കളും ചേർന്ന് യുവതിയെ കൂട്ടബലാൽസംഗം ചെയ്തു.

മുംബൈ: മറ്റൊരാളുമായി പ്രണയത്തിലാണെന്നറിഞ്ഞതിൽ പ്രകോപിതനായി കാമുകിയെ യുവാവും സുഹൃത്തുക്കളും ചേർന്ന് കൂട്ടബലാത്സംഗം ചെയ്തു. ഭീവണ്ടിയിലാണ് സംഭവം.20നും 25നും ഇടയിൽ പ്രായമുള്ള 6 പേരാണ് കേസിലെ പ്രതികൾ. സഹോദരനെ ബന്ദിയാക്കിയ ശേഷം യുവതിയെ ഭീഷണിപ്പെടുത്തി വിളിച്ചുവരുത്തിയായിരുന്നു ആക്രമണം.

സഹോദരൻ്റെ മിസി‍ഡ് കോളുകൾ ശ്രദ്ധയിൽപ്പെട്ട യുവതി സഹോദരനെ തിരിച്ചു വിളിച്ചപ്പോൾ തനിക്ക് പനിയാണെന്നും പറയുന്ന സ്ഥലത്തേക്ക് എത്താനും നിർദേശിച്ചു. തുടർന്ന് യുവതി അവിടെയെത്തുകയായിരുന്നു.ഓട്ടോറിക്ഷയിൽ സ്ഥലത്തെത്തിയ യുവതി കണ്ടത് സഹോദരനൊപ്പം മുൻ കാമുകനെയും സുഹൃത്തുക്കളെയുമാണ്. തുടർന്ന് പ്രതിയും സുഹൃത്തുക്കളും ചേർന്ന് യുവതിയുടെ സഹോദരനെയും ഓട്ടോറിക്ഷാ ഡ്രൈവറെയും മർദിച്ച ശേഷം യുവതിയെ കടത്തിക്കൊണ്ടുപോവുകയായിരുന്നു. സ്‌കൂളിന് പിന്നിലെ കുറ്റിക്കാട്ടിലേക്ക് കൊണ്ടുപോയി കൂട്ട ബലാത്സം​ഗം ചെയ്യുകയായിരുന്നു. സംഭവത്തിൽ ഒരാളെ അറസ്റ്റ് ചെയ്തിട്ടുണ്ട്.