ഷെയർചാറ്റ്‌ വഴി സൗഹൃദം : യുവാവ് തട്ടിയെടുത്തത് നാലേകാല്‍ പവന്‍ സ്വര്‍ണം
മലപ്പുറം :ഷെയര്‍ ചാറ്റിലൂടെ പരിചയപ്പെട്ട് സ്ത്രീയുടെ നാലേകാല്‍ പവന്‍ സ്വര്‍ണം തട്ടിയെടുത്ത യുവാവിനെ പോലീസ് അറസ്റ്റു ചെയ്തു.മലപ്പുറം :പരപ്പനങ്ങാടി കൊട്ടത്തറ ഉള്ളിശ്ശേരിവീട്ടില്‍ വിവേക് (31) നെയാണ് ഫറോക്ക് സ്റ്റേഷന്‍ ഓഫീസര്‍ ശ്രീജിത്തിന്റെ നേതൃത്വത്തിലുള്ള പോലീസ് സംഘം പിടികൂടിയത്.
വൈദ്യരങ്ങാടിയിലെ ഒരു യുവതിയുമായി ഷെയര്‍ ചാറ്റ് വഴി പരിചയപ്പെട്ട വിവേക് അവരുടെ സ്വര്‍ണം തട്ടിയെടുത്തശേഷം മുങ്ങിനടക്കുകയായിരുന്നു. സ്വര്‍ണം വിറ്റശേഷം ആ പണം ഉപയോഗിച്ച് പ്രതി ആഡംബര ജീവിതം നയിക്കുകയായിരുന്നെന്ന് പോലീസ് പറഞ്ഞു .
വിവേക് ലോഡ്ജില്‍ ഒളിച്ചുതാമസിക്കുന്ന വിവരമറിഞ്ഞ പോലീസ് സ്ഥലത്തെത്തി പിടിക്കൂടുകയായിരുന്നു.
തുടര്‍ന്ന് നടത്തിയ ചോദ്യംചെയ്യലിലാണ് ചെട്ടിപ്പടിയിലെ സ്വര്‍ണക്കടയില്‍ സ്വര്‍ണം വിറ്റവിവരം അറിയുന്നത്..ഫറോക്ക് എസ്.ഐ. അനൂപിന്റെ നേതൃത്വത്തിലുള്ള സംഘം ചെട്ടിപ്പടിയിലെ ജൂവലറിയിലെത്തി സ്വര്‍ണം കണ്ടെടുത്തിട്ടുണ്ട്.
