സമ്പൂർണ നക്ഷത്രഫലം: 2024 നവംബർ 09 ശനിയാഴ്ച

മേടം (അശ്വതി, ഭരണി, കാർത്തിക ¼)
മേടക്കൂറുകാർക്ക് ഇന്ന് മിതമായ ഫലങ്ങൾ ലഭിക്കുന്ന ദിവസമായിരിക്കും. കുടുംബത്തോടൊപ്പം സമയം ചെലവിടുന്നതായിരിക്കും നിങ്ങളുടെ സന്തോഷം. കുടുംബാംഗങ്ങൾ തമ്മിലുള്ള പ്രശ്നങ്ങളെല്ലാം അവസാനിക്കും. അതുകൊണ്ട് തന്നെ എല്ലാവരും ഒത്തുചേർന്ന് ചില ഭാവി പദ്ധതികളെ കുറിച്ച് ആലോചിക്കും. എന്നാൽ സന്താനങ്ങളിൽ നിന്ന് നിരാശാജനകമായ വാർത്തകൾ ലഭിച്ചേക്കും. ഇത് പിരിമുറുക്കം വർധിപ്പിച്ചേക്കാം. പങ്കാളിയിൽ നിന്ന് എല്ലാ അവസരങ്ങളിലും പിന്തുണ ഉണ്ടാകുന്നത് വലിയ രീതിയിൽ ആശ്വാസം നൽകും. കടങ്ങൾ ഒരു പരിധി വരെ തിരിച്ചടയ്ക്കാൻ സാധിക്കുന്നതാണ്.

ഇടവം (കാർത്തിക ¾, രോഹിണി, മകയിരം ½)
രാഷ്ട്രീയ പ്രവർത്തകരുടെ പ്രവർത്തനങ്ങൾക്ക് ഇന്ന് തക്കതായ ഫലം ലഭിക്കും. ജനപിന്തുണ വർധിക്കും. ഈ രംഗത്ത് മുന്നേറാനുള്ള അവസരങ്ങൾ ലഭിക്കുകയും ചെയ്യും. നിങ്ങളുടെ സംസാരത്തിൽ സൗമ്യത പാലിക്കണം. മാതാവിന്റെ ആരോഗ്യ കാര്യത്തിൽ ഇന്ന് പ്രത്യേക ശ്രദ്ധ ആവശ്യമാണ്. ആരോഗ്യ പ്രശ്നങ്ങൾക്ക് തീർച്ചയായും വൈദ്യസഹായം തേടണം. വൈകുന്നേരം പങ്കാളിയോടൊപ്പം പ്രാർഥനാ ചടങ്ങുകളിൽ പങ്കെടുക്കാം.

മിഥുനം (മകയിരം ½, തിരുവാതിര, പുണർതം ¾)
തൊഴിൽ രംഗത്തെ സാഹചര്യങ്ങൾ മെച്ചപ്പെടുകയും സന്തോഷകരമായ അന്തരീക്ഷം നിലനിൽക്കുകയും ചെയ്യും. മേലുദ്യോഗസ്ഥരുമായുള്ള പ്രശ്നങ്ങൾ പരിഹരിക്കപ്പെടും. നിങ്ങളുടെ അശ്രദ്ധമായ സംഭാഷണങ്ങൾ മറ്റുള്ളവരെ വേദനിപ്പിച്ചേക്കാം. അതിനാൽ മറ്റുള്ളവരോട് ഇടപെടുമ്പോൾ തീർച്ചയായും ശ്രദ്ധിക്കണം. വിദ്യാർത്ഥികൾക്ക് മത്സരങ്ങളിൽ മികച്ച വിജയം കൈവരിക്കാനാകും. ചില നിക്ഷേപങ്ങളിലൂടെ നേട്ടമുണ്ടാകും. വൈകുന്നേരം ചില ബന്ധുക്കളെ സന്ദർശിക്കാം.

കർക്കടകം (പുണർതം ¼, പൂയം, ആയില്യം)
ഇന്ന് കർക്കടക രാശിക്കാർക്ക് സാധാരണ ദിവസമായിരിക്കും. സുഹൃത്തുക്കളോടൊപ്പം ദിവസത്തിന്റെ കുറച്ച് നേരം ചെലവിടും. ചില സന്തോഷകരമായ ചടങ്ങുകളുടെ ഭാഗമാകാനിടയുണ്ട്. പൊതുപരിപാടികളിൽ സജീവമായി പങ്കെടുക്കും. സമൂഹത്തിൽ നിങ്ങളുടെ അന്തസ്സും ബഹുമാനവും വർധിക്കും. കുട്ടികളുമായി ബന്ധപ്പെട്ട ഉത്തരവാദിത്തങ്ങൾ വിജയകരമായി പൂർത്തിയാക്കും. ഇന്ന് വൈകുന്നേരം കുടുംബത്തിലെ ഇളയവരുമായി സന്തോഷത്തോടെ സമയം ചെലവിടും. വിദ്യാർത്ഥികൾക്ക് ഗുണകരമായ ദിവസമാണ്

ചിങ്ങം (മകം, പൂരം, ഉത്രം ¼)
ബിസിനസ് മെച്ചപ്പെടുത്തുന്നതിന്റെ ഭാഗമായി ചില പുതിയ പദ്ധതികൾ ആവിഷ്‌കരിച്ചേക്കും. മറ്റുള്ളവരുടെ അഭിപ്രായങ്ങൾ സ്വീകരിക്കുന്നതിന് മുമ്പ് പല തവണ ആലോചിക്കുന്നത് നന്നായിരിക്കും. കുടുംബാംഗങ്ങൾക്കിടയിൽ പരസ്പര സ്നേഹവും വിശ്വാസവും വർധിക്കും. ഒരു കുടുംബാംഗത്തിന് അവരുടെ തൊഴിൽ രംഗത്ത് പ്രമോഷൻ, ശമ്പള വർദ്ധനവ് തുടങ്ങിയ കാര്യങ്ങൾ ലഭിച്ചേക്കാം. ചില അനാവശ്യ ആശങ്കകൾ ഇന്ന് നിങ്ങളെ അലട്ടാനിടയുണ്ട്. എന്നാൽ പങ്കാളിയുടെ പിന്തുണയോടെ ഇവയിൽ നിന്ന് ആശ്വാസം ലഭിക്കും

കന്നി (ഉത്രം ¾, അത്തം, ചിത്തിര ½)
മംഗളകരമായ പരിപാടികളുടെ ഭാഗമാകും. തൊഴിൽ തേടുന്ന ആളുകൾക്ക് ഇന്ന് ചില മികച്ച അവസരങ്ങൾ ലഭിക്കാനിടയുണ്ട്. ദൈനംദിന കാര്യങ്ങൾക്കുൾപ്പടെ ഇന്ന് ചെലവുകൾ വർധിച്ചേക്കും. ഇത് നിയന്ത്രിച്ചില്ലെങ്കിൽ കുടുംബ ബജറ്റ് താളംതെറ്റിയേക്കാം. ഇന്ന് നിങ്ങളുടെ അഭിപ്രായങ്ങൾ തുറന്ന് പറയാൻ മടിക്കരുത്. മതപരമായ പരിപാടികളിൽ പങ്കെടുക്കാനിടയുണ്ട്. കുട്ടികൾക്കായി എന്തെങ്കിലും പുതിയൊരു കാര്യം ചെയ്‌തേക്കും.

തുലാം (ചിത്തിര ½, ചോതി, വിശാഖം ¾)
തുലാക്കൂറുകാർക്ക് നല്ല ഫലങ്ങൾ ലഭിക്കുന്ന ദിവസമാണ്. വ്യാപാര മേഖലയിൽ നിലനിന്നിരുന്ന പ്രശ്നങ്ങൾ അവസാനിക്കും. ഇന്നത്തെ സാമ്പത്തിക ഇടപാടുകളിൽ അതീവ ജാഗ്രത പുലർത്തേണ്ടതുണ്ട്. പണം എന്തെങ്കിലും പദ്ധതിയിൽ കുടുങ്ങാനിടയുള്ളതിനാൽ ശ്രദ്ധിക്കുക. ഇന്ന് തടസ്സങ്ങളില്ലാതെ ചെലവുകൾ നടത്താൻ സാധിക്കും. നിങ്ങൾ സന്തോഷത്തോടെ തുടരുന്നത് എതിരാളികളുടെ മനോവീര്യം തകർക്കും. വൈകുന്നേരം സുഹൃത്തുക്കൾക്കൊപ്പം സമയം ചെലവിടും.

വൃശ്ചികം (വിശാഖം ¼, അനിഴം, തൃക്കേട്ട)
വൃശ്ചിക കൂറുകാർക്ക് ഇന്ന് വളരെ സാധാരണമായ ദിവസമായിരിക്കും. കോപം നിയന്ത്രിക്കണം. നിങ്ങളുടെ പരുഷമായ പെരുമാറ്റം കുടുംബത്തിലും സുഹൃത്തുക്കൾക്കിടയിലും പ്രശ്നങ്ങൾ സൃഷ്ടിക്കും. ബാങ്കിൽ നിന്ന് ലോൺ എടുക്കുന്നതിനോ മറ്റുള്ളവരിൽ നിന്ന് കടം വാങ്ങിന്നതിനോ സമയം നല്ലതല്ല. വളരെയധികം ബുദ്ധിമുട്ടുകൾ ഇതിന് നേരിടേണ്ടതായി വരും. ചില ഭാവി പരിപാടികൾ കുടുംബത്തിൽ ചർച്ച ചെയ്യപ്പെട്ടേക്കാം. പാർട്ണർഷിപ്പിൽ ബിസിനസ് ചെയ്യുന്നവർക്ക് നല്ല സമയമല്ല

ധനു (മൂലം, പൂരാടം, ഉത്രാടം ¼)
ജീവിതത്തിൽ വലിയ ചില നേട്ടങ്ങൾ കൈവരിക്കാനാകും. നിങ്ങളുടെ പുരോഗതിയിൽ എതിരാളികൾ പോലും അസൂയപ്പെട്ടേക്കാം. എന്നിരുന്നാലും ഇക്കൂട്ടർ നിങ്ങൾക്കെതിരെ നീക്കങ്ങൾ നടത്താനിടയുണ്ട്. സർക്കാർ ആനുകൂല്യങ്ങൾ ലഭിക്കാനിടയുണ്ട്. സാമൂഹികവും മതപരവുമായ കാര്യങ്ങൾക്കായി ഇന്ന് പണം ചെലവിട്ടേക്കാം. വൈകുന്നേരം സാംസ്കാരിക പരിപാടിയിൽ പങ്കെടുക്കാൻ പരിചയക്കാർക്കൊപ്പം പോകാം

മകരം (ഉത്രാടം ¾, തിരുവോണം, അവിട്ടം ½)
മകരം രാശിക്കാർക്ക് ഇന്ന് സാമ്പത്തികമായി നല്ല ദിവസമായിരിക്കും. ഇന്നത്തെ നിങ്ങളുടെ പരിശ്രമങ്ങൾക്ക് വിജയം ലഭിക്കും. തൊഴിൽ രംഗത്ത് തർക്ക സാഹചര്യങ്ങളിൽ നിന്ന് വിട്ടുനിൽക്കണം. വൈകുന്നേരം വീട്ടിൽ അതിഥി സന്ദർശനം ഉണ്ടായേക്കാം. ഇതിന്റെ ഭാഗമായി ചെലവുകളും വർധിക്കും. സാമ്പത്തിക സ്ഥിതി മെച്ചപ്പെടുന്നതിനാൽ മടികൂടാതെ ചെലവുകൾ നടത്താൻ സാധിക്കും. സന്താനങ്ങളുടെ വിദ്യാഭ്യാസവുമായി ബന്ധപ്പെട്ട് അലച്ചിൽ വർധിക്കും.

കുംഭം (അവിട്ടം ½, ചതയം, പൂരുരുട്ടാതി ¾)
സമൂഹത്തിൽ നിങ്ങളുടെ സ്വാധീനം വർധിക്കും. എന്നാൽ ഒരു ശത്രു മൂലം ബിസിനസിൽ ചില നഷ്ടങ്ങൾ ഉണ്ടായേക്കാം. ദൈനംദിന ചെലവുകൾ തടസ്സം കൂടാതെ നിറവേറ്റാൻ നിങ്ങൾക്ക് കഴിയും. ഇന്ന് നിങ്ങളുടെ ആരെങ്കിലും തെറ്റിദ്ധരിപ്പിക്കാൻ സാധ്യതയുണ്ട്. ചതിയിൽ പെടാതിരിക്കാൻ ജാഗ്രതയോടെ തുടരുക. ചില ഉദ്യോഗസ്ഥരുടെ സഹായത്തോടെ സർക്കാർ സംബന്ധമായ കാര്യങ്ങൾ എളുപ്പത്തിൽ നടക്കും.

മീനം (പൂരുരുട്ടാതി ¼, ഉതൃട്ടാതി, രേവതി)
മീനം രാശിക്ക് ഇന്ന് സമ്മിശ്ര ഫലങ്ങൾ ലഭിക്കുന്ന ദിവസമാണ്. ഇന്ന് ആർക്കെങ്കിലും പണം കടമായി നൽകിയാൽ ആ തുക തിരികെ ലഭിക്കുന്നതിനുള്ള സാധ്യത കുറവാണ്. ഇത് ബന്ധങ്ങളിൽ വിള്ളൽ വീഴ്ത്തിയേക്കാം. സാമ്പത്തിക ഇടപാടുകൾ പങ്കാളിയുമായി ആലോചിച്ച് ചെയ്യുക. പിതാവിന് ചില ആരോഗ്യ പ്രശ്നങ്ങൾ ഉണ്ടാകാനിടയുണ്ട്. വിവാഹത്തിന് യോഗ്യരായ ആളുകൾക്ക് ഇന്ന് നല്ല ആലോചനകൾ വന്നേക്കാം.