മൊസാദിന്റെ മുറ്റത്തും ഇറാന്റെ മിസൈലുകൾ; വൻ ഗർത്തം രൂപപ്പെട്ടു, മണ്ണിൽ പൊതിഞ്ഞ് വാഹനങ്ങൾ– വിഡിയോ
മൊസാദ് ആസ്ഥാനത്തിൽ നിന്ന് 3 കിലോമീറ്റർ മാത്രം അകലെയുള്ള ഹെർസ്‍ലിയയിലെ ഒരു ബഹുനില അപ്പാർട്ട്മെന്റിന് സമീപത്തു നിന്ന് ചിത്രീകരിച്ച വിഡിയോ ആണ് പ്രചരിക്കുന്നത്. വിഡിയോയിൽ പാർക്കിങ് സ്ഥലത്ത് രൂപപ്പെട്ട വലിയ ഗർത്തം കാണാം. മിസൈൽ ആക്രമണത്തിൽ പൊടിപടലങ്ങൾ ഉയർന്ന് വാഹനങ്ങൾ മണ്ണിൽ മൂടിയതും കാണാം. ഒരു സിനിമ കോംപ്ലക്സിൽനിന്ന് ഏതാനും മീറ്ററുകൾ മാത്രം അകലെയാണ് മിസൈൽ വീണ് ഗർത്തം രൂപപ്പെട്ടത്.ഇന്നലെയാണ് ഇറാൻ ഇസ്രയേലിനു നേരെ 180 ബാലിസ്റ്റിക് മിസൈലുകൾ തൊടുത്തുവിട്ടത്. എന്നാൽ ആക്രമണം ലക്ഷ്യമിട്ട് വന്ന ഭൂരിഭാഗം മിസൈലുകളും ഇസ്രയേലിന്റെ വ്യോമ പ്രതിരോധ സംവിധാനങ്ങൾ വെടിവച്ചിട്ടുവെന്നാണ് റിപ്പോർട്ടുകൾ.
