വി.പി.എൻ ഉപയോഗിക്കാം, ദുരുപയോഗം ചെയ്യരുത് -സൈബർ സുരക്ഷാ മേധാവി
ദുബായ്: യുഎഇയിലെ താമസക്കാര്‍ക്ക് വെര്‍ച്വല്‍ പ്രൈവറ്റ് നെറ്റ്വര്‍ക്കുകള്‍ (വിപിഎന്‍) ഉപയോഗിക്കാന്‍ അനുവാദമുണ്ട്, എന്നാല്‍ അതിന്റെ ദുരുപയോഗം പ്രശ്‌നമാണെന്ന് രാജ്യത്തിലെ സൈബര്‍ സുരക്ഷാ മേധാവി പറഞ്ഞു.ആളുകള്‍ വി.പി.എനുകൾ ഉപയോഗിക്കുന്നതില്‍ ഞങ്ങള്‍ക്ക് പ്രശ്നമില്ല, പക്ഷേ അത് മോശമായ കാര്യങ്ങള്‍ക്ക് ഉപയോഗിക്കുന്നതാണ് പ്രശ്നം, യുഎഇ ഗവണ്‍മെന്റിന്റെ സൈബര്‍ സുരക്ഷാ മേധാവി മുഹമ്മദ് അല്‍ കുവൈത്തി ജിപിആര്‍സി ഉച്ചകോടിയുടെ ഭാഗമായി പറഞ്ഞു.
അറ്റ്ലസ് വിപിഎന്‍ പുറത്തിറക്കിയ ഗ്ലോബല്‍ വിപിഎന്‍ അഡോപ്ഷന്‍ ഇന്‍ഡക്സിന്റെ ഏറ്റവും പുതിയ അപ്ഡേറ്റ് അനുസരിച്ച്, കഴിഞ്ഞ നാല് വര്‍ഷത്തിനിടയില്‍ യുഎഇ 2023-ല്‍ ഏറ്റവും ഉയര്‍ന്ന VPN ആപ്ലിക്കേഷന്‍ ഡൗണ്‍ലോഡുകള്‍ രേഖപ്പെടുത്തി. വി.പി.എൻ ആപ്പുകൾ 18 ലക്ഷം പേർ ഡൗൺലോഡ് ചെയ്തതായി അറ്റ്ലസ് വി.പി.എൻ പുറത്തുവിട്ട ഏറ്റവും പുതിയ ആഗോള വി.പി.എൻ ഉപയോഗ സൂചിക റിപ്പോർട്ടിലാണ് വ്യക്തമായത്.
