യുഎഇയിലെ അസ്ഥിരമായ കാലാവസ്ഥ: മഴ കാരണം രാജ്യത്തുടനീളം അടച്ചിടല്‍
യു.എ.ഇ: ഇന്നലെ രാത്രി മുഴുവന്‍ രാജ്യത്ത് കനത്ത മഴ പെയ്തു. അബുദാബി, ദുബായ്, ഷാര്‍ജ, റാസല്‍ഖൈമ, അജ്മാന്‍ എന്നിവിടങ്ങളില്‍ വ്യത്യസ്ത തീവ്രതയുള്ള മഴ ലഭിച്ചു. കാലാവസ്ഥ അസ്ഥിരമായി തുടരുമെന്ന് ദേശീയ കാലാവസ്ഥാ കേന്ദ്രം അറിയിച്ചു. രാജ്യത്ത് പെയ്ത കനത്ത മഴയുടെ പ്രത്യാഘാതങ്ങള്‍ നേരിടുകയാണ് നിവാസികളും സംഘടനകളും അധികൃതരും. വീടിനുള്ളില്‍ തന്നെ തുടരാന്‍ അധികൃതര്‍ താമസക്കാരോട് അഭ്യര്‍ത്ഥിച്ചിട്ടുണ്ട്. പ്രതികൂല കാലാവസ്ഥ കാരണം രാജ്യത്തുടനീളം അടച്ചിടല്‍ പ്രഖ്യാപിച്ചിട്ടുണ്ട്.
രാജ്യം കഠിനമായ കാലാവസ്ഥയുടെ പശ്ചാത്തലത്തില്‍ ഈ വാരാന്ത്യത്തില്‍ താഴ്വരകളിലേക്കും പര്‍വതങ്ങളിലേക്കും നയിക്കുന്ന എല്ലാ റോഡുകളും യുഎഇയില്‍ അടയ്ക്കും. മോശം കാലാവസ്ഥ നിലനില്‍ക്കുന്നിടത്തോളം റോഡുകള്‍ അടച്ചിരിക്കും.മറൈന്‍ ഗതാഗതം നിര്‍ത്തിവച്ചുമഴയുള്ള കാലാവസ്ഥയെ തുടര്‍ന്ന് മറൈന്‍ ഗതാഗതം നിര്‍ത്തിവെക്കുമെന്ന് ദുബായ് റോഡ്സ് ആന്‍ഡ് ട്രാന്‍സ്പോര്‍ട്ട് അതോറിറ്റി അറിയിച്ചു. ഇത്തരം കാലാവസ്ഥ നിലനില്‍ക്കുന്നതുവരെ സര്‍വീസുകള്‍ നിര്‍ത്തിവയ്ക്കും. അല്‍ ഐനില്‍ ടണലുകള്‍ അടച്ചു.
അബുദാബിയിലെ ഇന്റഗ്രേറ്റഡ് ട്രാന്‍സ്പോര്‍ട്ട് സെന്റര്‍ പറയുന്നത് പ്രകാരം യുഎഇയിലുടനീളമുള്ള അസ്ഥിരമായ കാലാവസ്ഥ കാരണം അല്‍ ഐന്‍ നഗരത്തിലെ എല്ലാ തുരങ്കങ്ങളും അടച്ചിടും. താല്‍ക്കാലികമായി അടച്ചതില്‍ എല്ലാ തുരങ്കങ്ങളും നഗരത്തിലെ ബാഹ്യ റോഡുകളിലെ ചില അണ്ടര്‍പാസുകളും ഉള്‍പ്പെടുന്നു. മാര്‍ച്ച് 8 വെള്ളിയാഴ്ച രാത്രി 10 മണിക്ക് അടച്ചുപൂട്ടല്‍ ആരംഭിച്ചു, ഇനിയൊരു അറിയിപ്പ് ഉണ്ടാകുന്നതുവരെ അടച്ചിരിക്കും.
പാര്‍ക്കുകള്‍, ബീച്ചുകള്‍ യുഎഇയിലുടനീളം നിലനില്‍ക്കുന്ന അസ്ഥിരമായ കാലാവസ്ഥയെത്തുടര്‍ന്ന് തലസ്ഥാനത്തെ പാര്‍ക്കുകളും ബീച്ചുകളും താല്‍ക്കാലികമായി അടച്ചിടുന്നതായി അബുദാബി മുനിസിപ്പാലിറ്റി പ്രഖ്യാപിച്ചു. മാര്‍ച്ച് 8 വെള്ളിയാഴ്ച മുതല്‍ അടച്ചിടല്‍ല്‍ ആരംഭിച്ചു, കാലാവസ്ഥ സ്ഥിരത കൈവരിക്കുന്നത് വരെ തുടരുമെന്ന് പ്രതീക്ഷിക്കുന്നു. ദുബായില്‍ എമിറേറ്റ്‌സ് മുനിസിപ്പാലിറ്റി എല്ലാ ബീച്ചുകളും പൊതു പാര്‍ക്കുകളും മാര്‍ക്കറ്റുകളും അടച്ചുപൂട്ടുന്നതായി പ്രഖ്യാപിച്ചു. ദുബായിലെ ബീച്ചുകള്‍ വെള്ളിയാഴ്ച രാത്രി മുതല്‍ അടച്ചു, അതേസമയം പൊതു പാര്‍ക്കുകളും മാര്‍ക്കറ്റുകളും ഇന്ന് (ശനി) മുതല്‍ അടച്ചിടും
