നിയമലംഘനം ; രണ്ട് വിദേശ ബാങ്കുകളുടെ ശാഖകൾക്ക് യുഎഇയിൽ 1.81 കോ​ടി ദി​ർ​ഹം പിഴ

അബുദാബി:  തീവ്രവാദ ധനസഹായത്തിനും കള്ളപ്പണം വെളുപ്പിക്കലിനും എതിരെയുള്ള നിയമങ്ങള്‍ പാലിക്കുന്നതില്‍ വീഴ്ച വരുത്തിയ രണ്ട് വിദേശ ബാങ്കുകളുടെ യുഎഇ ശാഖകള്‍ക്ക് യുഎഇ സെന്‍ട്രല്‍ ബാങ്ക് വൻതുക പിഴ ചുമത്തി. രണ്ട് ബാങ്കുകള്‍ക്കും കൂടി 1.81 കോ​ടി ദി​ർ​ഹ​മാ​ണ്​ യുഎഇ സെന്‍ട്രല്‍ ബാങ്ക് പി​ഴ ചുമത്തിയിരിക്കുന്നത്. ഒ​രു ബാ​ങ്കി​ന് 1.06 കോ​ടി ദി​ർ​ഹ​മും ര​ണ്ടാ​മ​ത്തെ ബാ​ങ്കി​ന് 75 ല​ക്ഷം ദി​ർ​ഹ​മു​മാ​ണ്​ പി​ഴ വി​ധി​ച്ചിരിക്കുന്നത്.

സെന്‍ട്രല്‍ ബാങ്ക് നടത്തിയ അന്വേഷണത്തില്‍ നിയമലംഘനങ്ങള്‍ കണ്ടെത്തിയതിനെ തുടര്‍ന്നാണ് പിഴ വിധിച്ചത്. നിയമലംഘനം നടത്തിയ ബാ​ങ്കു​ക​ളു​ടെ പേ​രു​വി​വ​ര​ങ്ങ​ൾ അ​ധി​കൃ​ത​ർ ഇതുവരെ വെ​ളി​പ്പെ​ടു​ത്തി​യി​ട്ടി​ല്ല. ക​ള്ള​പ്പ​ണം വെ​ളു​പ്പി​ക്ക​ലി​നും തീ​വ്ര​വാ​ദ ധ​ന​സ​ഹാ​യ​ത്തി​നും എ​തി​രാ​യ നി​യ​മ​ങ്ങ​ൾ ക​ർ​ശ​ന​മാ​യി പാ​ലി​ക്കു​ന്നു​ണ്ടെ​ന്ന്​ ഉ​റ​പ്പു​വ​രു​ത്താ​ൻ അ​ധി​കൃ​ത​ർ ഒട്ടേറെ ന​ട​പ​ടി​ക​ൾ ന​ട​പ്പാ​ക്കു​ന്നു​ണ്ട്. ഇ​തി​ന്‍റെ ഭാ​ഗ​മാ​യാ​ണ്​ ബാ​ങ്കു​ക​ൾ​ക്കെ​തി​രാ​യ ന​ട​പ​ടി. ക​ഴി​ഞ്ഞ ആ​ഴ്ച ക​ള്ള​പ്പ​ണം വെ​ളു​പ്പി​ക്ക​ലി​നും തീ​വ്ര​വാ​ദ ധ​ന​സ​ഹാ​യ​ത്തി​നും എ​തി​രാ​യ നി​യ​മ​ങ്ങ​ൾ ലം​ഘി​ച്ച​താ​യി ക​ണ്ടെ​ത്തി​യ മറ്റൊരു സ്ഥാ​പ​ന​ത്തി​ന്​ 20 കോ​ടി ദി​ർ​ഹം പി​ഴ ചു​മ​ത്തി​യി​രു​ന്നു.