ലൈസൻസില്ലാതെ കള്ള് വിൽപ്പന; ഷാപ്പ് മാനേജര്‍ അറസ്റ്റിൽ
ലൈസൻസില്ലാതെ കള്ള് വിൽപ്പന നടത്തിയ ഷാപ്പ് മാനേജറെ അറസ്റ്റ് ചെയ്തു.കുട്ടനാട്ടിൽ പൂപ്പള്ളിയിലെ ആറ്റുമുഖം ഷാപ്പ് മാനേജർ ബിനേഷിനെയാണ് അറസ്റ്റ് ചെയ്തത്. ഇന്നലെ രാത്രിയിലായിരുന്നു നടപടി. ആലപ്പുഴയിലെ ഷാപ്പുകളിൽ വിജിലൻസ് പരിശോധന നടത്തുകയും, അളവിൽ കൂടുതൽ കള്ള് 6 ഷാപ്പുകളിൽ കണ്ടെത്തിയിട്ടുണ്ട്.ചേർത്തല വയലാറിലെ പാഞ്ചാലി ഷാപ്പ്, കുട്ടനാട് പൂപ്പള്ളിയിലെ ആറ്റുമുഖം ഷാപ്പ്, മാവേലിക്കര മൺകുടം ഷാപ്പ്, കായംകുളം നടക്കാവിലുള്ള മേനാംപള്ളി ഷാപ്പ്, ചെങ്ങന്നൂർ കിളിയന്തറ കള്ളുഷാപ്പ് എന്നിവിടങ്ങളിലാണ് എക്സൈസ് ക്രമക്കേട് കണ്ടെത്തിയത്. അളവിൽ കൂടുതൽ കള്ള് സംഭരണം കണ്ടെത്തിയ ഷാപ്പുകൾക്കെതിരെ ജാമ്യമില്ലാ വകുപ്പ് പ്രകാരം കേസെടുത്തിട്ടുണ്ട്.
