‘നന്മ’യുടെ കരങ്ങൾ നിർധനരായ വിദ്യാർഥികളിലേയ്ക്ക് : രണ്ടാംഘട്ട സാമ്പത്തിക സഹായ വിതരണം നടന്നു.
ഈ വർഷം ഭിന്നശേഷിക്കാരായ നൂറ് വിദ്യാർത്ഥികളെ സംഘടന സാമ്പത്തികമായി സഹായിക്കും
കല്യാൺ : കല്യാൺ ആസ്ഥാനമാക്കി പ്രവർത്തിക്കുന്ന സാമൂഹ്യ സേവന-ജീവകാരുണ്യ സംഘടനയായ ‘നന്മ ചാരിറ്റബിൾ ഫൗണ്ടേഷൻ’ തുടക്കം കുറിച്ച നിർധനരും ഭിന്നശേഷിക്കാരുമായ വിദ്യാർത്ഥികൾക്ക് സാമ്പത്തിക സഹായം നൽകുന്ന പദ്ധതിയുടെ (‘Nanma Education Assistance (NEA)) രണ്ടാം ഘട്ടം കല്യാൺ ലോക്ഗ്രാമിലുള്ള ‘ഫെഡറേഷൻ ഹാളി’ൽ നടന്നു .
ഉല്ലാസ് നഗർ ,അംബർനാഥ് ,ബദലാപൂർ എന്നിവടങ്ങളിൽ നിന്ന് തെരഞ്ഞെടുത്ത 24 വിദ്യാർത്ഥികൾക്കാണ് ഇത്തവണ സാമ്പത്തിക സഹായം നൽകിയത് .2025 ,ഫെബ്രുവരിമാസം ഉല്ലാസ്‌നഗർ റോട്ടറി സേവാകേന്ദ്രത്തിൽ നടന്ന ആദ്യഘട്ട വിതരണത്തിൽ 23 വിദ്യാർത്ഥികൾക്ക് ‘ നന്മ ‘ യുടെ സഹായം ലഭിച്ചിരുന്നു.
ജൂലായ് 6 നു നടന്ന രണ്ടാം ഘട്ടത്തിൽ ഡോ.രാജു ഉത്തമന ,സുലീ കുഞ്ചു പിള്ള .ശക്തിനായർ എന്നിവർ ചേർന്ന് ആദ്യ ചെക്ക് കുമാരി സഞ്ചിത പാണ്ഡെയ്ക്ക് നൽകി . ചടങ്ങിൽ നന്മ സെക്രട്ടറി സുനിൽ രാജ്‌ അധ്യക്ഷത വഹിച്ചു.ഈ വർഷം നൂറിലധികം ഭിന്നശേഷിക്കാരായ വിദ്യാർത്ഥികളുടെ പഠനത്തിനായുള്ള സാമ്പത്തികസഹായം നൽകാനാണ് ‘നന്മ’ ഉദ്ദേശിച്ചിട്ടുള്ളതെന്ന് സുനിൽരാജ് പറഞ്ഞു.
അഡ്‌വാനി ഗുൾ ,നന്ദന ,പ്രമോദ് പിള്ള ,മണിലാൽ ,സുബിൻ ,ശക്തിധരൻ നായർ എന്നിവർ ചടങ്ങിന് നേതൃത്വ൦ നൽകി. ദിവ്യ നായർ നന്ദിപറഞ്ഞു.
2013മുതൽ മുംബൈയിലെ നഗരപ്രദേശത്തും സംസ്ഥാനത്തെ ആദിവാസി മേഖലകളിലും വസിക്കുന്ന പാർശ്വവൽക്കരിക്കപ്പെട്ട സമൂഹത്തിലേക്ക് ഇറങ്ങിച്ചെന്ന് അവരുടെ ആരോഗ്യവും -വിദ്യാഭ്യാസപരവുമായ ഉന്നമനത്തിനു സഹായകരമാകുന്ന വിധം പ്രവർത്തിച്ചുവരുന്ന സാമൂഹ്യ സംഘടനയാണ് നന്മ ചാരിറ്റബിൾ ഫൗണ്ടേഷൻ . വളരെ പിന്നോക്കം നിൽക്കുന്ന ആദിവാസി ഗ്രാമങ്ങൾ കണ്ടെത്തി നിരവധി ജീവകാരുണ്യ പ്രവർത്തനങ്ങൾ സംഘടന ഇതിനകം ചെയ്തു കഴിഞ്ഞിട്ടുണ്ട്.
