നക്ഷത്രഫലം 2024 ഡിസംബർ 11

മേടം (അശ്വതി, ഭരണി, കാർത്തിക ¼)
പല കാരണങ്ങളാൽ മനസ് അസ്വസ്ഥമായിരിക്കും. ആരുടേയും നിർബന്ധത്തിന് വഴങ്ങി തീരുമാനങ്ങൾ എടുക്കരുത്. അങ്ങനെ ചെയ്‌താൽ ഭാവിയിൽ വലിയ കുഴപ്പത്തിൽ അകപ്പെട്ടേക്കാം. പ്രണയ ജീവിതം നയിക്കുന്നവർക്ക് മികച്ച ദിവസമാണ്. ഇണയെ കുടുംബാംഗങ്ങൾക്ക് പരിചയപ്പെടുത്താൻ അവസരമുണ്ടാകും. വീട്ടിൽ അതിഥി സന്ദർശനത്തിന് സാധ്യതയുണ്ട്. ഇതിനായി കുറച്ച് പണം ചെലവഴിക്കേണ്ടി വന്നേക്കാം. ചില ബന്ധുക്കളോ സുഹൃത്തുക്കളോ മുഖേന സാമ്പത്തിക നേട്ടങ്ങൾക്ക് സാധ്യതയുണ്ട്.

ഇടവം (കാർത്തിക ¾, രോഹിണി, മകയിരം ½)
ബിസിനസിൽ റിസ്ക് എടുക്കുന്നത് നന്നായി ആലോചിച്ച് വേണം. അപകട സാധ്യത കൂടുതലുള്ള ജോലികളിൽ നിന്ന് വിട്ടു നിൽക്കുന്നതാണ് നല്ലത്. സുഹൃത്തുക്കളോ ബന്ധുക്കളോ സഹായം അഭ്യർത്ഥിച്ച് നിങ്ങളെ സമീപിച്ചേക്കാം. വിദ്യാർത്ഥികൾക്ക് പഠനത്തിലെ തടസ്സങ്ങൾ മറികടക്കാൻ അധ്യാപകരിൽ നിന്ന് ഉപദേശം തേടേണ്ടിവരും. ഇന്ന് നിങ്ങൾ നിങ്ങളുടെ മാതാപിതാക്കളുമായി ചില പ്രധാന വിഷയങ്ങൾ ചർച്ച ചെയ്യാൻ വൈകുന്നേരം ചെലവഴിക്കും.

മിഥുനം (മകയിരം ½, തിരുവാതിര, പുണർതം ¾)
തൊഴിൽ രംഗത്ത് ചില മാറ്റങ്ങൾ ഉണ്ടാകാനിടയുണ്ട്. ഇത് നിങ്ങൾക്ക് ഗുണം ചെയ്യും. സ്ഥലം മാറ്റം സംബന്ധമായ വിവരങ്ങൾ ലഭിക്കാനിടയുണ്ട്. ആർക്കെങ്കിലും പണം കടം കൊടുത്താൽ അത് തിരികെ ലഭിക്കാനുള്ള സാധ്യത വളരെ കുറവാണ്. ചില കുടുംബാംഗങ്ങളുമായി അഭിപ്രായ വ്യത്യാസങ്ങൾ ഉണ്ടാകാനിടയുണ്ട്. ഇത്തരം സാഹചര്യങ്ങളിൽ നിങ്ങളുടെ സംസാരം പരുഷമാകാതിരിക്കാൻ ശ്രദ്ധിക്കണം. ഇല്ലെങ്കിൽ കലഹവും ഭിന്നതയും രൂക്ഷമായേക്കാം.

കർക്കടകം (പുണർതം ¼, പൂയം, ആയില്യം)
കുടുംബാംഗങ്ങൾ തമ്മിലുള്ള പ്രശ്നങ്ങൾ വീണ്ടും തലയുയർത്താൻ സാധ്യതയുണ്ട്. ഇതുമൂലം നിങ്ങളുടെ മനസ്സ് ആകെ അസ്വസ്ഥമായിരിക്കും. ജോലികളിൽ വേണ്ടത്ര ശ്രദ്ധ നൽകാനും സാധിക്കാതെ വരും. ആരുമായും വാക്കുതർക്കങ്ങളിൽ ഏർപ്പെടാതിരിക്കാൻ ശ്രദ്ധിക്കുക. ജോലിസ്ഥലത്ത് അധികാരികളുമായി നല്ല ബന്ധം തുടർന്നാൽ നിങ്ങൾക്ക് നേട്ടമുണ്ടാകും. വൈകുന്നേര സമയം മാതാപിതാക്കളോടൊപ്പം ചെലവിടും. ആരോഗ്യ പ്രശ്നങ്ങൾ അവഗണിക്കാതിരിക്കുക.

ചിങ്ങം (മകം, പൂരം, ഉത്രം ¼)
കുടുംബാംഗങ്ങൾക്കൊപ്പം സമയം ചെലവിടുന്നത് സന്തോഷം നൽകും. മാതാപിതാക്കളുടെ അനുഗ്രഹത്തോടെ ചെയ്യുന്ന കാര്യങ്ങളിലെല്ലാം വിജയം നിങ്ങൾക്കൊപ്പം ഉണ്ടാകും. ഏതെങ്കിലും പദ്ധതികളിൽ നിങ്ങളുടെ പണം കുടുങ്ങി കിടപ്പുണ്ടെങ്കിൽ അത് ഇന്ന് കൈവശം വന്നുചേരാം. കുട്ടികളുടെ ഭാഗത്ത് നിന്ന് സന്തോഷകരമായ വാർത്തകൾ ഉണ്ടാകും. ഇന്ന് നിങ്ങളുടെ ആരോഗ്യ കാര്യത്തിൽ കൂടുതൽ ശ്രദ്ധ ആവശ്യമാണ്. കാരണം ചില ആരോഗ്യ പ്രശ്നങ്ങൾ വഷളാകാനിടയുണ്ട്. ഇത്തരം സാഹചര്യങ്ങളിൽ വൈദ്യ സഹായം തേടാൻ മടിക്കരുത്.

കന്നി (ഉത്രം ¾, അത്തം, ചിത്തിര ½)
വളരെക്കാലമായി മുടങ്ങിക്കിടന്നിരുന്ന ജോലികൾ പൂർത്തിയാക്കാനായിരിക്കും ലക്ഷ്യമിടുക. ഇതിനായി കഠിനാധ്വാനവും വേണ്ടി വരും. ബിസിനസ് നടത്തിപ്പിനായി പരിചയസമ്പന്നനായ ഒരു വ്യക്തിയിൽ നിന്ന് ഉപദേശം സ്വീകരിച്ചേക്കാം. ബിസിനസിൽ ലാഭം നേടാനുള്ള അവസരങ്ങൾ ഉണ്ടാകും. ബന്ധുക്കൾക്കിടയിൽ നിങ്ങൾക്കുള്ള ബഹുമാനം വർധിക്കും. അപ്രതീക്ഷിതമായി ഒരു സമ്മാനം നിങ്ങളെ തേടിയെത്താനിടയുണ്ട്. വീട്ടിൽ സന്തോഷവും ഐശ്വര്യവും ഉണ്ടാകും. പങ്കാളിയിൽ നിന്ന് പൂർണ പിന്തുണ ഉണ്ടാകും.

തുലാം (ചിത്തിര ½, ചോതി, വിശാഖം ¾)
രാഷ്ട്രീയ പ്രവർത്തകർക്ക് ഗുണകരമായ ദിവസമാണ്. ജനപിന്തുണ വർധിക്കും. സാമൂഹിക പരിപാടികളിൽ സജീവമായി പങ്കെടുക്കും. സമൂഹത്തിൽ നിങ്ങളുടെ അന്തസ്സും ബഹുമാനവും വർധിക്കുകയും ചെയ്യും. പുതിയ സുഹൃത്തുക്കളെ കണ്ടെത്തുകയും ചെയ്യും. സാമ്പത്തിക കാര്യങ്ങളിൽ ആശങ്ക അകലുന്ന ദിവസമാണ്. മക്കളുടെ മോശം ആരോഗ്യം മൂലം മനസ് അസ്വസ്ഥമായിരിക്കും. ആരുമായും തർക്കങ്ങളിൽ ഏർപ്പെടുന്നത് ഒഴിവാക്കണം.

വൃശ്ചികം (വിശാഖം ¼, അനിഴം, തൃക്കേട്ട)
എത്ര ശ്രമിച്ചാലും ചെലവുകൾ നിയന്ത്രിക്കാൻ കഴിയാതെ വരും. ഇത് മൊത്തത്തിലുള്ള സാമ്പത്തിക സ്ഥിതിയെ തളർത്തിയേക്കാം. സന്താനങ്ങളുടെ വിദ്യാഭ്യാസ കാര്യങ്ങൾക്ക് ഗുണകരമായ ദിവസമാണ്. വിദേശത്ത് താമസിക്കുന്നവരിൽ നിന്ന് നല്ല വാർത്തകൾ ലഭിച്ചേക്കാം. അവിവാഹിതരായ ആളുകൾക്ക് മനസ്സിനിണങ്ങിയ ആലോചന വരികയോ അല്ലെങ്കിൽ വിവാഹം ഉറപ്പിക്കുകയോ ചെയ്തേക്കാം. അതുകൊണ്ട് തന്നെ കുടുംബത്തിൽ സന്തോഷത്തിന്റെ ദിവസമായിരിക്കും.

ധനു (മൂലം, പൂരാടം, ഉത്രാടം ¼)
തൊഴിൽ രംഗത്തും ബിസിനസ് രംഗത്തും നിങ്ങളുടെ എതിരാളികൾ നിങ്ങൾക്കെതിരെ രഹസ്യ നീക്കങ്ങൾ നടത്താനിടയുള്ളതിനാൽ ജാഗ്രത കൈവിടരുത്. വൈകുന്നേരം വീട്ടിൽ അതിഥി സന്ദർശനം ഉണ്ടാകാം. സൽക്കാരത്തിനായി കുറച്ച് പണവും ചെലവഴിക്കേണ്ടി വന്നേക്കാം. കുടുംബത്തിലെ ചെറിയ കുട്ടികളോടൊപ്പം സന്തോഷത്തോടെ സമയം ചെലവിടും. ചില ബന്ധുക്കൾ മുഖേന സാമ്പത്തിക നേട്ടങ്ങൾക്ക് സാധ്യതയുണ്ട്. പങ്കാളിത്ത ബിസിനസിൽ നിന്ന് ലാഭം പ്രതീക്ഷിക്കാം.

മകരം (ഉത്രാടം ¾, തിരുവോണം, അവിട്ടം ½)
സഹോദരങ്ങളുടെ വിവാഹത്തിലെ തടസ്സങ്ങൾ ഒരു മുതിർന്ന വ്യക്തിയുടെ ഇടപെടലിലൂടെ പരിഹരിക്കാൻ സാധിക്കും. കുടുംബത്തിൽ മംഗളകരമായ കാര്യങ്ങൾ ഉടൻ നടക്കാൻ പോകുന്നു. നഷ്ടപ്പെട്ടെന്ന് കരുതിയ ഒരു വസ്തു ഇന്ന് നിങ്ങളുടെ കൈവശം വന്നേക്കാം. വിദ്യാർത്ഥികൾക്ക് ഉന്നത വിദ്യാഭ്യാസത്തിനുള്ള അവസരം ഒരുങ്ങും. ഇതിലൂടെ മികച്ച അവസരം ഒരുക്കാൻ സാധിക്കുകയും ചെയ്യും. വൈകുന്നേര സമയം സുഹൃത്തുക്കളുമായി സന്തോഷത്തോടെ ചെലവിടും.

കുംഭം (അവിട്ടം ½, ചതയം, പൂരുരുട്ടാതി ¾)
അധിക ചെലവുകൾ നിയന്ത്രണത്തിൽ കൊണ്ടുവരുന്നതിൽ നിങ്ങൾ വിജയിക്കും. സാമ്പത്തികമായ ആശങ്കകൾ ലഘൂകരിക്കാൻ ഇത് സഹായിക്കും. പങ്കാളിയുമായി പുറത്ത് പോകാൻ പദ്ധതി തയ്യാറാക്കിയേക്കാം. അപ്രതീക്ഷിതമായി ഇന്ന് സാമ്പത്തിക നേട്ടങ്ങൾക്ക് സാധ്യതയുണ്ട്. സർക്കാരിൽ നിന്ന് ലഭിക്കാനുള്ള ആനുകൂല്യങ്ങൾ ലഭിക്കുന്നതാണ്. വളരെ നാളുകളായി കാണണമെന്ന് ആഗ്രഹിച്ചിരുന്ന ഒരു സുഹൃത്തിനെ ഇന്ന് കണ്ടുമുട്ടിയേക്കാം.

മീനം (പൂരുരുട്ടാതി ¼, ഉതൃട്ടാതി, രേവതി)
പഴയ ചില പ്രശ്നങ്ങളിൽ നിന്ന് മോചനം ലഭിക്കും. കുടുംബാംഗങ്ങൾ നിങ്ങൾക്കായി ഒരു സർപ്രൈസ് പാർട്ടി ആസൂത്രണം ചെയ്തേക്കാം. ചില ബന്ധുക്കൾ മുഖേന പിരിമുറുക്കം കൂടുന്ന സാഹചര്യങ്ങൾ ഉണ്ടാകും. ഏത് സാഹചര്യത്തിലും പങ്കാളി നിങ്ങളോടൊപ്പം ഉണ്ടാകും. പിതാവിന്റെ നേത്ര സംബന്ധമായ പ്രശ്നങ്ങൾ വഷളാകാനിടയുണ്ട്. ഇത് അവഗണിക്കരുത്. മക്കളിൽ നിന്ന് സന്തോഷകരമായ വാർത്തകൾ നിങ്ങളെ തേടിയെത്തും.