നക്ഷത്രഫലം 2024 ഡിസംബർ 08
മേടം (അശ്വതി, ഭരണി, കാർത്തിക ¼)
വളരെക്കാലമായുള്ള നിങ്ങളുടെ ചില ആഗ്രഹങ്ങൾ ഇന്ന് സഫലമാകാനിടയുണ്ട്. നിയമപരമായ കാര്യങ്ങളിൽ തീരുമാനം നിങ്ങൾക്ക് അനുകൂലമാകാനിടയുണ്ട്. കുടുംബത്തിൽ പിരിമുറുക്കം വർധിക്കുന്ന സാഹചര്യങ്ങൾ ഉണ്ടായേക്കാം. ഇന്നത്തെ യാത്ര മറ്റൊരു ദിവസത്തേയ്ക്ക് മാറ്റി വെക്കുന്നതാണ് നല്ലത്. ബിസിനസ് രംഗത്ത് നഷ്ട സാധ്യത നിലനിൽക്കുന്നു. പരീക്ഷയിൽ മികച്ച വിജയം കരസ്ഥമാക്കുന്നതിന് വിദ്യാർത്ഥികൾക്ക് കഠിനാധ്വാനം കൂടിയേ തീരൂ.
ഇടവം (കാർത്തിക ¾, രോഹിണി, മകയിരം ½)
വീട്ടിലെ ദൈനംദിന ആവശ്യങ്ങൾക്കായി ഇന്ന് കുറച്ച് പണം ചെലവഴിക്കാനിടയുണ്ട്. എന്നാൽ വരവിനനുസരിച്ച് ചെലവുകൾ നിയന്ത്രിക്കാൻ ശ്രമിക്കണം. ഇല്ലെങ്കിൽ സാമ്പത്തിക പ്രതിസന്ധി ഉണ്ടാകാനിടയുണ്ട്. എതിരാളികൾ നിങ്ങളുടെ ജോലിയിൽ തടസ്സങ്ങൾ സൃഷ്ടിക്കാൻ ശ്രമിച്ചേക്കാം. അതിനാൽ കണ്ണും കാതും തുറന്ന് പ്രവർത്തിക്കുക. ദാമ്പത്യ ജീവിതം സന്തോഷത്തോടെ മുമ്പോട്ട് പോകും. പ്രണയ ജീവിതം നയിക്കുന്നവർക്കും അനുകൂലമായ ദിവസമാണ്.
മിഥുനം (മകയിരം ½, തിരുവാതിര, പുണർതം ¾)
പൊതുപ്രവർത്തനങ്ങളിൽ തടസ്സങ്ങൾ നേരിട്ടേക്കാം. രാഷ്ട്രീയ പ്രവർത്തകർ ജാഗ്രത പാലിക്കണം. ആരോടെങ്കിലും പണം കടമായി ചോദിച്ചിട്ടുണ്ടെങ്കിൽ അത് എളുപ്പത്തിൽ ലഭിക്കാനിടയുണ്ട്. വൈകുന്നേരം കുടുംബാംഗങ്ങൾക്കൊപ്പം ശുഭകരമായ ചടങ്ങുകളിൽ പങ്കെടുക്കും. ഇന്ന് സമൂഹത്തിൽ സ്വാധീനമുള്ള ആളുകളെ കണ്ടുമുട്ടാം. അയൽവാസികളുമായി പ്രശ്ങ്ങൾ ഉണ്ടാകാനിടയുണ്ട്. ഇത്തരം സാഹചര്യങ്ങൾ കഴിവതും ഒഴിവാക്കുന്നതാണ് നല്ലത്. സംസാരവും പെരുമാറ്റവും പരുഷമാകാതിരിക്കാൻ ശ്രദ്ധിക്കുക.
കർക്കടകം (പുണർതം ¼, പൂയം, ആയില്യം)
ബിസിനസ് രംഗത്ത് ഉയർച്ച താഴ്ചകൾ ഉണ്ടായേക്കാം. എല്ലാ ജോലികളും സമയത്ത് തന്നെ പൂർത്തിയാക്കാൻ സാധിക്കും. എന്നാൽ ചില ജോലികളിൽ സാങ്കേതിക തടസ്സങ്ങൾ ഉണ്ടാകാനും സാധ്യതയുണ്ട്. എന്നാൽ ഇത് ഉടൻ പരിഹരിക്കപ്പെടും. ജോലിസ്ഥലത്ത് നിങ്ങൾക്ക് അനുകൂലമായ വാർത്തകൾ ലഭിച്ചേക്കാം. ഇത് മാനസിക സമാധാനം നൽകും. സമ്മർദ്ദം നൽകിയിരുന്ന സാഹചര്യങ്ങൾ നീങ്ങും. കുറച്ച് സമയം വിശ്രമത്തിനായി ചെലവിടും.
ചിങ്ങം (മകം, പൂരം, ഉത്രം ¼)
സാമൂഹിക പ്രവർത്തനങ്ങളിൽ താല്പര്യം വർധിക്കും. മാത്രവുമല്ല സമൂഹത്തിൽ നിങ്ങളുടെ പ്രതിച്ഛായ വർധിക്കും. ജന പിന്തുണ മികച്ചതായിരിക്കും. പുതിയ സൗഹൃദങ്ങൾ കണ്ടെത്തും. സാമ്പത്തിക നിക്ഷേപങ്ങൾ നടത്താൻ ഇന്ന് നല്ല ദിവസമല്ല. സാമ്പത്തിക ഇടപാടുകളിൽ ജാഗ്രത പുലർത്തേണ്ടതുണ്ട്. വൈകുന്നേരം പങ്കാളിയുമായി സമയം ചെലവിടും. സന്താനങ്ങൾ മുഖേന സന്തോഷിക്കാൻ അവസരമുണ്ടാകും. വൈകുന്നേരത്തോടെ ആരോഗ്യ പ്രശ്നങ്ങൾ ഉണ്ടാകാനിടയുള്ളതിനാൽ സൂക്ഷിക്കണം.
കന്നി (ഉത്രം ¾, അത്തം, ചിത്തിര ½)
ജീവിത പങ്കാളിയുമായി അഭിപ്രായവ്യത്യാസങ്ങൾ ഉണ്ടാകാനിടയുണ്ട്. എന്നാൽ നിങ്ങളുടെ സംസാരത്തിൽ നിയന്ത്രണം കൊണ്ടുവരേണ്ടതുണ്ട്. ചില പ്രശ്നങ്ങൾ വളരെക്കാലം നീണ്ടുനിൽക്കുകയും സമ്മർദ്ദം വർധിപ്പിക്കുകയും ചെയ്തേക്കാം. പ്രശ്തി വർധിക്കും. സ്ഥാനമാനങ്ങൾ ലഭിക്കും. കടം വാങ്ങുന്നത് ഒഴിവാക്കണം, ഇല്ലെങ്കിൽ ഇത് തിരിച്ചടയ്ക്കാൻ ബുദ്ധിമുട്ടിയേക്കും. ബിസിനസിൽ പുരോഗതി പ്രകടമാകും. വിദ്യാർഥികൾ പഠനത്തിൽ കൂടുതൽ താല്പര്യം പ്രകടമാക്കും.
തുലാം (ചിത്തിര ½, ചോതി, വിശാഖം ¾)
പാർട്ണർഷിപ്പ് ബിസിനസിൽ നേട്ടങ്ങൾ ഉണ്ടാകും. അവിവാഹിതരായവർക്ക് മനസ്സിനിണങ്ങിയ ആലോചനകൾ വരാനിടയുണ്ട്. ഇത് കുടുംബാംഗങ്ങൾ അംഗീകരിക്കുകയും ചെയ്യും. സഹോദരങ്ങൾക്ക് ആരോഗ്യ പ്രശ്നങ്ങൾ ഉണ്ടാകാനിടയുണ്ട്. ഇതിന്റെ ഭാഗമായി കുറച്ചധികം ഓടേണ്ടി വരും. സാമ്പത്തിക ചെലവുകളും വർധിക്കും. ബന്ധുക്കൾക്കിടയിൽ നിങ്ങളുടെ ബഹുമാനം വർധിക്കും. വിദേശത്ത് താമസിക്കുന്ന ബന്ധുക്കളിൽ നിന്ന് സന്തോഷകരമായ വാർത്തകൾ ലഭിക്കും.
വൃശ്ചികം (വിശാഖം ¼, അനിഴം, തൃക്കേട്ട)
അർഹരായ ആളുകളെ സഹായിക്കാനുള്ള അവസരമുണ്ടാകും. ആത്മാഭിമാനം വർധിക്കും. വളരെയധികം കഠിനാധ്വാനം ആവശ്യമായി വരുന്ന ചില ജോലികൾ നിങ്ങളെ ഏൽപ്പിച്ചേക്കാം. സഹപ്രവർത്തകനോടൊപ്പം ചേർന്ന് പ്രവർത്തിച്ചാൽ വൈകുന്നേരത്തോടെ ഇവ പൂർത്തിയാക്കാൻ സാധിക്കും. മാതാപിതാക്കൾക്കൊപ്പം വൈകുന്നേര സമയം ചെലവിടും. സാമ്പത്തിക ഇടപാടുകൾ ജാഗ്രതയോടെ നടത്തുക. ആർക്കും കടം കൊടുക്കുന്നത് ഒഴിവാക്കുന്നതാണ് നല്ലത്.
ധനു (മൂലം, പൂരാടം, ഉത്രാടം ¼)
കുടുംബാംഗങ്ങൾക്കിടയിൽ ഭിന്നത ഉണ്ടാകാനിടയുണ്ട്. എന്നാൽ ഒരു മുതിർന്ന വ്യക്തിയുടെ സഹായത്തോടെ ഇത്തരം പ്രശ്നങ്ങൾ പരിഹരിക്കാൻ സാധിക്കും. മധുരതരമായ പെരുമാറ്റം മറ്റുള്ളവരെ ആകർഷിക്കും. സഹോദരങ്ങളുടെ വിവാഹത്തിന് നിലനിന്നിരുന്ന തടസങ്ങൾ നീങ്ങും. ചില മംഗളകരമായ ചടങ്ങുകളെ കുറിച്ച് കുടുംബത്തിൽ ചർച്ച ഉണ്ടാകും. വിദ്യാർത്ഥികൾക്ക് ഉന്നത വിദ്യാഭ്യാസത്തിനുള്ള വഴി തെളിയും. കുട്ടിയുടെ ആരോഗ്യം മോശമായേക്കാം.
മകരം (ഉത്രാടം ¾, തിരുവോണം, അവിട്ടം ½)
ബിസിനസിൽ ഒരു പുതിയ ഡീൽ ഉറപ്പിക്കാനിടയുണ്ട്. ഇതുവഴി സാമ്പത്തിക സ്ഥിതി ശക്തമാകും. പങ്കാളിയുടെ പെട്ടന്നുള്ള അനാരോഗ്യം മൂലം ആശങ്ക വർധിക്കും. ചെലവുകൾ കൂടാം. അലച്ചിൽ ഉണ്ടാകും. ചില നിക്ഷേപങ്ങൾ നടത്താൻ ഇന്ന് ദിവസം നല്ലതായിരിക്കും. വിദ്യാർത്ഥികൾക്ക് പഠനത്തിൽ പുരോഗതി ഉണ്ടാകും. ഒരു സുഹൃത്തുമായി ചില പ്രശ്നങ്ങൾ ഉണ്ടാകാനിടയുണ്ട്. പ്രണയ ജീവിതം മനോഹരമായി മുമ്പോട്ട് പോകും. ദാമ്പത്യ ജീവിതവും സന്തോഷകരമായിരിക്കും.
കുംഭം (അവിട്ടം ½, ചതയം, പൂരുരുട്ടാതി ¾)
അപ്രതീക്ഷിതമായി വലിയൊരു തുക കൈവശം വന്നുചേരാനിടയുണ്ട്. കുടുംബാംഗങ്ങളുടെ ആഗ്രഹം നിറവേറ്റാൻ സാധിക്കും. വളരെക്കാലമായി മുടങ്ങിക്കിടന്നിരുന്ന ജോലികൾ പൂർത്തിയാക്കാൻ സാധിക്കും. ദാമ്പത്യ ജീവിതത്തിലെ പ്രശ്നങ്ങൾ കുടുംബത്തിലെ ഒരു മുതിർന്ന അംഗത്തിന്റെ ഇടപെടലിലൂടെ പരിഹരിക്കാൻ സാധിക്കും. ബന്ധുക്കൾക്കിടയിൽ നിങ്ങളുടെ ബഹുമാനം വർധിക്കും. പുറത്തുനിന്നുള്ള ആഹാരശീലം ഒഴിവാക്കുന്നതായിരിക്കും നല്ലത്. ഇല്ലെങ്കിൽ ഉദര സംബന്ധമായ പ്രശ്നങ്ങൾക്ക് സാധ്യതയുണ്ട്.
മീനം (പൂരുരുട്ടാതി ¼, ഉതൃട്ടാതി, രേവതി)
തൊഴിൽ രംഗത്ത് മികച്ച പ്രകടനം കാഴ്ചവെക്കാൻ സാധിച്ചേക്കും. ബന്ധുഗൃഹ സന്ദർശനം ഉണ്ടാകാം. വിദ്യാർത്ഥികൾക്ക് ഉന്നത വിദ്യാഭ്യാസത്തിന് വഴി തെളിയും. സാമൂഹിക പ്രവർത്തനങ്ങളിൽ താല്പര്യം വർധിക്കും. ചില ജോലികളിൽ നിന്ന് വലിയ നേട്ടം ഉണ്ടാകും. ഒരു സുഹൃത്തിന് നിങ്ങളുടെ സഹായം ആവശ്യമായി വരും. ഇതിന്റെ ഭാഗമായി കുറച്ച് പണം ക്രമീകരിക്കേണ്ടി വന്നേക്കാം. ആരോഗ്യം സാധാരണ നിലയിലായിരിക്കും.
