എസ്എസ്എൽസി പരീക്ഷ ഫലം പ്രസിദ്ധികരിച്ചു; 99.69% വിജയം, 4 മണി മുതൽ ഫലം ഈ വെബ്സൈറ്റിലറിയാം
തിരുവനന്തപുരം: 2023-2024 വർഷത്തെ എസ്എസ്എൽസി പരീക്ഷ ഫലം വിദ്യാഭ്യാസ മന്ത്രി വി ശിവൻകുട്ടി പ്രഖ്യാപിച്ചു. വൈകിട്ട് 4 മണി മുതൽ വിവിധ വെബ്സൈറ്റുകളിൽ നിന്ന് വിദ്യാർത്ഥികൾക്ക് ഫലമറിയാം.99.69% ആണ് ഈ വർഷത്തെ വിജയശതമാനം.ഏറ്റവും കൂടുതല്‍ കുട്ടികൾ വിജയിച്ചത് മലപ്പുറം ജില്ലയിൽ ആണ്.ഏറ്റവും കൂടുതൽ വിജയശതമാനം ഈ തവണ കോട്ടയം ജില്ലക്കാണ് 99.92%. ഏറ്റവും കുറവ് തിരുവനന്തപുരത്തിനും 99.08%.
71831 വിദ്യാര്‍ത്ഥികളാണ് എല്ലാ വിഷയങ്ങള്‍ക്കും എ പ്ലസ് നേടിയത്. എല്ലാ വിഷയങ്ങള്‍ക്കും എ പ്ലസ് നേടിയവരുടെ എണ്ണത്തില്‍ മുൻ വർഷത്തേക്കാള്‍ വര്‍ധനവുണ്ട്. 68604 പേരാണ് കഴിഞ്ഞ വര്‍ഷം എല്ലാ വിഷയങ്ങള്‍ക്കും എ പ്ലസ് നേടിയത്.മെയ് 9 മുതൽ 15 വരെ പുനർമൂല്യനിർണയത്തിന് അപേക്ഷിക്കാവുന്നതാണ്.സേ പരീക്ഷ മെയ് 28 മുതൽ ജൂൺ 6 വരെ നടക്കും.ജൂൺ ആദ്യവാരം മുതൽ സർട്ടിഫിക്കറ്റ് വിതരണം നടത്തുമെന്നും മന്ത്രി അറിയിച്ചു.
ഫലം പരിശോധിക്കാം;
1. https://pareekshabhavan.kerala.gov.in
2. www.prd.kerala.gov.in
3. https://sslcexam.kerala.gov.in
4. www.results.kite.kerala.gov.in
