എസ്എസ്എല്‍സി പരീക്ഷ ഇന്ന് അവസാനിക്കും; മൂല്യ നിര്‍ണയം എപ്രില്‍ മൂന്ന് മുതല്‍
തിരുവനന്തപുരം: മാര്‍ച്ച് ആദ്യവാരം ആരംഭിച്ച ഈ അദ്ധ്യേനവർഷത്തെ എസ്എസ്എല്‍സി പരീക്ഷ മാർച്ച്‌ 25 ഇന്ന് അവസാനിക്കും.മൂല്യ നിര്‍ണയം എപ്രില്‍ മൂന്നിന് ആരംഭിക്കും.അവസാന ദിവസത്തെ സാമൂഹ്യശാസ്ത്രം പരീക്ഷയോടെ കുട്ടികളുടെ നെഞ്ചിടിപ്പിന് വിരാമമായി. മാര്‍ച്ച് നാലാം തിയ്യതിയായിരുന്നു എസ്എസ്എല്‍സി പരീക്ഷയുടെ ആരംഭം.
മൂല്യ നിര്‍ണയം 70 ക്യാമ്പുകളിലായി പതിനായിരത്തോളം അധ്യാപകരെ പങ്കെടുപ്പിച്ചകും നടത്തുക. ഏപ്രില്‍ മൂന്നുമുതല്‍ ഏപ്രില്‍ 20 വരെ രണ്ടു ഘട്ടങ്ങളിലായാണ് മൂല്യനിര്‍ണയം നടത്തുക.മെയ് രണ്ടാം വാരം ഫലം പ്രഖ്യാപിക്കാനാണ് വിദ്യാഭ്യാസ വകുപ്പിന്റെ കണക്കുകൂട്ടല്‍. അതേസമയം പ്ലസ് ടു പരീക്ഷകള്‍ നാളെയാകും അവസാനിക്കുക .
